Shillong, Iaiong 1: Ka Hynniewtrep Youth Council (HYC) kala pynrem jur ia ka Meghalaya Transport Corporation (MTC) kaba la shim ia ka rai ban pynsangeh ia ka jingshakri ki bos na ka bynta ki khynnah skul bad ong, ba kane kala buh ha ka jingeh kaba khraw ia ki khynanh pule bad ia ki bahaiing bahasem kiba don ha kylleng ka nongbah Shillong bad ki jaka kiba marjan.
“Ka jingpynsangeh kynsan ia kane ka jingshakri kala buh ia kiba bun ki kmie ki kpa ha ka jingeh kaba khraw kiba la kloi ban iakhun ia ka jingkiew dor kynsan ha ka pule puthi bad ka jinglut jingsep ha ka rukom im” la ong u Education Secretary ka HYC u Bah Enlang Sawian ha ka kyrwoh kaba la phah hynne ka sngi Balang.
Ka HYC ka pynpaw ia ka jingsngewlem ia ki kmie ki kpa bad ia ki nongri ia ki khynnah kiba hap ban iakhih bad ka pynpaw ba ka jingsngewkhia ka jongki ka long klaba shongnia bad ka pyni ia ka jingeh kaba mad da ki bahaiing bahasem kiba shaniah ha ki bos.
“Ka pule puthi ka long kum u paia ba iar ban kyntiew iaka roi ka par jong ka imlang sahlang bad kadei ka kamram jong ka sorkar ban thaw ia ka jinglong jingman ban pynlong ia ka pule puthi kaba lah ban ioh da baroh bad kaba pynsuk ia ki khynnah pule, khamtam eh na ka bynta kito kiba wan na ki longiing kiba mad ia ki jingeh bad jingduna” la ong u Bah Sawian.
Ka seng kala dawa na ka Sorkar Jylla bad na ki bor kiba dei khmih ban pynneh biang mardor ia ka jingai jingshakri ki bos MTC na ka bynta ki khynnah skul da kaba buh hakhmat eh ia ka bha ka miat bad ia ka lawei jong ki khynnah skul.
“Ka HYC Education Cell kala pynpaw ba ka iengskhem ba ka bha ka miat bad ka lawei jong ki khynnah pule kadei kaei kaei kaba hap ban buh hakhmat eh” ula bynrap.
 kala pynrem jur ia ka Meghalaya Transport Corporation (MTC) kaba la shim ia ka rai ban pynsangeh ia ka jingshakri ki bos na ka bynta ki khynnah skul bad ong, ba kane kala buh ha ka jingeh kaba khraw ia ki khynanh pule bad ia ki bahaiing bahasem kiba don ha kylleng ka nongbah Shillong bad ki jaka kiba marjan.){kind=link}