Shillong, Iaiong 24: Ka Hynniewtrep Youth Council (HYC) hynne ka sngi Palei, ka la dawa ban buh ia ki jaka talasi lane ki checkpoints/nakas haki jaka ba hap hapoh ka Shella police station East Khasi Hills District halor ka jingkynnoh ba nang jur ka jingwan rung beain ki nong Bangladesh sha India namar ka jingtlot ki bor pahara ha Khappud.
U President ka HYC u Bah Roykupar Synrem ha ka shithi sha u SP ka East Khasi Hills u la ong “Ka long kaba donkam ban buh ia ki jaka talasi lane ki checkpoints/nakas haki jaka ba hap hapoh u pud u sam jong ka Shella Police Station bad ha Sohra Civil Sub-Division namar kadei ka thain kaba iajan bha bad ka Ri Bangladesh”.
U Bah Roy u la pynskhem ba ïa kum kine ki Check-Point/Naka dei ban buh briew 24×7 bad ban buh ha ki jaka ba donkam bha hapoh ka Sub-Division katkum ba ka jingibit ka tnat Pulit.
“Ngi kyntu ba dei ban thaw da ki katto katne ki Standard Operating Procedure (SOPs) na ka bynta ki pulit kiba ap ïa kine ki Check-Point/Nakas ban pynthikna ïa ka jingpeitngor bad ban pyrkhing iaki ba thmu ban rung beain sha India bad ban tehlakam iaki jait kam khaii beain haki thain khappud” la ong u Bah Roy.
U Bah Roy u la kam ba ki nong shong shnong haki thain khappud kila pyntip ba ka jingwan rung beain sha India da ki nong Bangladesh ka la nang kiew ha kine ki khyndiat bnai bad khamtam ha ka por miet.
“La iathuh ruh ha ngi ba ki kam khaii beain haki thain khappud kala nang kiew bha ha katei ka thain ha kaba ki nong Bangladesh kila pyndonkam ia ki lynti bad ki kali lyngba ka jingiarap jong ki katto katne ki ‘Dalal’ trai shnong” u la kynnoh.
U president ka HYC u la ong ba katkum ka jingtip kam pat don ki jaka talasi lane ki check points/naka ba la buh kyrpang ha ki surok bah kiba pyniasoh ia ka Shella bad kiwei kiwei ki shnong haki khappud marjan bad ka Sohra bad Shillong kiba hap hapoh u pud u sam jong ka Shella P.S ban lap ia ki nong Bangladesh ki rung beain bad ban tehlakam ia ki kam beain.
U la ong ba namar ka jingbym don ki checkpoints/nakas ka pynlong ia ki paidbah bad ki dkhot jong ka seng ban iarap ia ki pulit ban kem iaki briew ba rung beain bad ban aiti ruh shaki pulit.
 hynne ka sngi Palei, ka la dawa ban buh ia ki jaka talasi lane ki checkpoints/nakas haki jaka ba hap hapoh ka Shella police station East Khasi Hills District halor ka jingkynnoh ba nang jur ka jingwan rung beain ki nong Bangladesh sha India namar ka jingtlot ki bor pahara ha Khappud.){kind=link}