Shillong, Iaiong 24 : Ka Greater Shillong Water Supply Scheme (GSWSS) Phase-III kaba la iakhmih lynti bha, kala mad ia kiba bun ki jingtynjuh kiba lam sha ka jingnang shimpor ba kan dep.
Haba pyntip ia kane ha ka sngi Palei, u Myntri ka Tnad Public Health Engineering (PHE) Marcuise N Marak ula ong ba ka jingpyntrei ia ki kam ki dang iaid shakhmat ban lah pyndep ia ka project.
“Hynrei, ka project kala sahkut namar kiba bun ki daw, kawei na ki ka dei namar ka pisa bala mang ia ka project kam pat dap satia. Ta ka daw, ngi hap ban shim ia ka pisa na ki tyllong bapher bapher bad namar kata ngi la shimpor katto katne” ula ong.
Ula bynrap ruh “Hadien kata, haba pyntreikam ia ka, kila mih biang ki jingeh kiba kynthup ia ka kam jaka puta, ka jingai jingbit na ka Tnad Forest, na ka Contonment bad kiwei kiwei”.
U Myntri ula ong ba haduh mynta ka project kala mad da ki jingtynjuh suda. “Ngi hap ban tih ia ka surok ba ngin ioh siang ia ki pipe-kine ki dei ki kam kiba synniang sha ka jingslem ban pyndep ia ka project” ula bynrap.
Haba kylli halor ka jingbym iatreilang hapdeng ka PHE bad PWD, u Myntri ula ong ba kane ka dei ka kam kaba hap ban pynbeit bha.
 Phase-III kaba la iakhmih lynti bha, kala mad ia kiba bun ki jingtynjuh kiba lam sha ka jingnang shimpor ba kan dep.){kind=link}