Shillong, Nohprah 03 : Ka Hynniewtrep Youth Council (HYC) kala dawa ia ka Sorkar Jylla ba kan bishar biang ia ka kyrdan/ jinglong jingman jong ki nonghikai bala shah khein ‘thohbria’ ha ka jyrsieh thungkam nonghikai u snem 2008-09, hadien ka hukum ka Iingkashari High Court ba 4 tarik Nailur 2025, kaba pynduh noh ia ka jingbishar kam bymman pyrshah ia kiba shah kynnoh.
Ka HYC ka kwah ba ka Sorkar kan pynshai la ia ka jingkhein “thohbria” yn dang bishar biang lane wengnoh, bad ban thungkam biang lane ai bailutksan ia ki briew kiba shah ktah.
Ha ka shithi sha u Myntri Rangbah Conrad K Sangma ba phah ha ka sngi Balang, u President ka HYC Bah Roykupar Synrem ula ong “Ngi dawa ba ka Sorkar Meghalaay kan pynmih da ka jingthoh ba pynshai la ka jingkhein “thohbria”- bala niew ia ki katto katne ki nonghikai/kyrtong haba iadei bad ka thungkam 2008-09-mynta yn bishar biang lane weng noh hadien ka hukum ka Iingkashari ba pyllait noh ia ki briew ba kynnoh donkti.
Kala dawa ia u Myntri Rangbah ba un bthah ia ka Tnad Pule Puthi ba kan shong bishar ia baroh ki case “thohbria’ ba mih ha ka thungkam 2008-09, ban pynlong ia ka jingpynbeit kaba hok-lehse lyngba ka “Review & Reinstatement Committee” ba kyrpang ka ban hap hapoh ka Directorate of School Education & Literacy, ban pynbeit ia baroh ki case ha ka por kaba biang nalor ban ai biang ia ka burom, ka kamai jakpoh bad ka jingkyrmen ia ki briew kiba shah pynshitom bakla”.
Ka Iingkashari High Court kala pynlait na ki jingpynsajia ia ki briew ba shah kynnoh donkti hakhmat eh, da kaba ong ba duna palat ki sakhi, kaba la pynmih pat ia ka jingkylli halor ka jingtreikam ka jingkynnoh “thohbria”.
Ha u 2008-09, ia ka jingthungkam Assistant Teacher ki skul Lower Primary ha Meghalaya la tynjuh pyrshah namar ka jingkynnoh pynkylla ia ki score sheet da kaba pyndonkam ia ka sia lieh bad ka jingjied briew ba ithuh.
Ka jingtohkit kala sdang bad bun ki kyrtong ba iakhun kam, kila shah pynbna kum kiba “thohbria”. Namar kane, ia ka jingthungkam ia ki la pynduh noh bad la weng ruh ia ki na ka kam.
Ha kine ki snem bala leit, ka Sorkar kala thungkam biang ia katto katne na kito kiba la shah pynbna khuid. Kum ka nuksa, ha u snem 2021, haduh 187 ngut ki nonghikai kila shah thungkam biang hadien ka jingbishar biang ia ki.
 kala dawa ia ka Sorkar Jylla ba kan bishar biang ia ka kyrdan/ jinglong jingman jong ki nonghikai bala shah khein ‘thohbria’ ha ka jyrsieh thungkam nonghikai u snem 2008-09, hadien ka hukum ka Iingkashari High Court ba 4 tarik Nailur 2025, kaba pynduh noh ia ka jingbishar kam bymman pyrshah ia kiba shah kynnoh.){kind=link}