Shillong, Nohprah 03 : Ka National People’s Party (NPP) kala pynkhreh ban sa pynbna noh shen ia ki kyrtong ki ban mih aireng ha ka elekshon Garo Hills Autonomous District Council (GHADC) elections ban wan, ong u Working President bad Myntri Sorkar Marcuise N Marak.
“Ngim pat rai lut ia ki kyrtong ia mynta. Ngi la pynkut ia ka jingpdiang ia ki aplikeshon. Ngin sa shong bishar nh bad shen ngin sa lum ia ka jingialang ka Election Committee ban rai ia kaei kaban leh” ong u Marak haba iakren bad ki nongthoh khubor ha ka sngi Balang.
Ka NPP kala ioh pdiang ia bun ki aplikeshon na ki Constituency bapher bapher bad don ruh ki constituency kiba don haduh 3-7 ngut kiba pan ticket. “Ngin pynieng kyrtong na baroh 29 constituency” ong u Marcuise.
Une u Nongialam ka NPP ula kyntait ia ka jingkam jong k Congress ba kala nang khie im ha ri-lum Garo hadien ka jingwan iasoh biang u MLA barim ka Rangsakona Zenith Sangma, ka kurim jong u lem bad kiwei ki nongialam.
“Ngi la pynliem ia ka kurim u Zenith Sangma bad jop ia ka elekshon shiteng samoi ha Gambegre, kumta ngi sngew skhem bha ia ka jinglah ban leh bha ha kane ka elekshon” ula ong.
