Nongpoh, Nailar 18: Ka seng HITO-Ribhoi kala dawa ia ka KHADC ba kan tuklar mardor halor ka jingmih ki khyrdop lum khajna bala kynnoh pynieng beain ha Ri-Bhoi District.
Ka HITO na Ri-Bhoi ba ialam da u Bah Kenny Nongrum, kala leit ban aiti ruh da ka dorkhas sha u Chief Executive Member (CEM) ka KHADC bah Pyniaid Sing Syiem ba kyntu ba un shimkhia ha kaban leh eiei halor ka jingmih kine ki khyrdop.
Haba iakren bad ki nongthoh khubor, General Secretary ka HITO-Ri-bhoi Bah Kenny Nongrum ula ong ba kane ka jingmih bun satang ki khyrdop ka dei ka daw bah kaba wanrah ia ka jingkiew dor ki mar ki mata hapoh ka Jylla.
Ula pyntip ba ka seng kala leit ban jurip ia shilynter ka surok bah naduh Jorabat haduh Mawryngkneng halor ka jingdon ki khyrdop lum khajna kiba la shu pynieng khlem da tip ki dei kiba beain ne kiba la ioh jingbit.
Ula iathuh ba ka jingdon jong kine ki khyrdop ha shilynter kane ka surok ka long kaba shaba palat liam bad buh jingkylli ba kumno kine ki khyrdop ki ioh jingbit bad mano ba ai jingbit ia ki.
Ula buh jingkylli ruh halor ka jingmih ka khyrdop lum khajna ha ka shnong Umdihar hajan Nongpoh, kaba dang shu pyn ieng dang mynta shitaiew eiei.
Ula ong ba kane ka jingmih bun ki khyrdop lum khajna ka dei ka daw bah kaba wanrah ia ka jingkiew dor ki mar ki mata hapoh ka Jylla.
Pule ruh: Kynnoh ka HANM ba khlong maw ka Dhar Kompani na wah Umiam ban shna surok Mawhati
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
