Shillong, Nailar 25: Ka Hynniewtrep Border Dispute Redressal Forum (HBDRF) ha ka 24 tarik Nailar ka la shim ia ka rai ban ai da ka jingthoh sha baroh ki 60 ngut ki MLA ban dawa ban kynthup bad ithuh ia ki shnong Khasi-Pnar kiba hap hapoh ka Elaka Labang Nangphyllut – Block-I shapoh Meghalaya bad byrngem ban pynlong daka jingiakhih shong kyllain mungor ha nongbah Shillong.
Ia kine ki rai la shim ha ka jingialang kaba long ha Mihmyntdu ha West Jaintia Hills district ha ka 24 tarik Nailar.
Ka Forum kala ong ba ïa ka Elaka Labang Nangphyllut – Block-I la dep ai jingithuh da ka Jaintia Hills Autonomous District Council (JHADC) lyngba ka jingai Sanad sha ki Acting Dolloi, ki Waheh Chnong bad ka jingpynmih ïa ki Notification kiba ithuh ïa ki shnong.
Ka la ong ba ka Sorkar Jylla mynta ka dei ban kynthup bad ai jingithuh ba pura ia kine ki shnong ha Meghalaya.
Ka Forum ka la ong ruh ba ïa ka tarik, ka por bad ka jaka ban pynlong ïa ka jingïakhih shong kyllaiñ myngngor ha Shillong yn sa pynbna hadien.
Ha katei ka juh ka jingialang, ka Forum ka la pynkupburom ia ka Kong Daialang Suchiang na ka shnong Mowjem kaba la ieng pyrshah ia ki pulit Assam kiba la kynnoh ba ki la pyrshang ban ialam ia ki nongialam shnong bad ki nongshong shnong ban leit thep vote sha Assam ha kane ka ilekshon sha ka iing dorbar thawain kaba dang shu kut shen.
Ha kane ka sngi la pynrung ruh kumba shiphew ngut ki dkhot thymmai ha ka Forum.
 ha ka 24 tarik Nailar ka la shim ia ka rai ban ai da ka jingthoh sha baroh ki 60 ngut ki MLA ban dawa ban kynthup bad ithuh ia ki shnong Khasi-Pnar kiba hap hapoh ka Elaka Labang Nangphyllut – Block-I shapoh Meghalaya bad byrngem ban pynlong daka jingiakhih shong kyllain mungor ha nongbah Shillong.){kind=link}