Shillong, Risaw 14: Ka Federation of Khasi-Jaintia and Garo People (FKJGP) South West Khasi Hills, kala kyntu ia u Myntri ka Tnad pule puthi Bah Lahkmen Rymbui ba un tuklar halor ka jingpynslem ban tei pyndep ia ka Block Institute of Education and Training (BIET) ha ka shnong Sakwang, South West Khasi Hills district.
“Ngi kyntu ia phi ban sngewbha ban shimkhia lem ban pynthikna ba ka BIET dei ban tei pyndep kloi noh” ong u President FKJGP u Bah Keness June Nonglait ha ka dorkhas kaba la aiti sha u Myntri Sorkar hynne ka sngi Baar.
Ula pyntip ba ka jingslem ban tei pyndep ia ka BIET kala pynbor ia ki nonghikai ban leit pyntbit noh ha ka District Institute of Education and Training (DIET) kaba don ha Nongstoin, West Khasi Hills, ia kaba la mang tang khyndiat ngut eh ia ka bhah jongka South West Khasi Hills.
Ula ong ba watla ka South West Khasi Hills kala ioh ia la ka jong ka District ha u snem 2012, ka FKJGP kala kam ba kam shym la don than kano kano ka bynta jong ka roi ka par ha kaba iadei bad ka pule puthi khamtam eh halor ka jingbym don ia ki jaka pule kiba kongsan.
Kane kala ktah jur ia ki samla kiba wan na ki longiing kiba dun ka ioh ka kot, kaba la pynduh lad ia ki ban bteng shuh shuh ia ki jingpule, la pynpaw u Bah Nonglait.
 South West Khasi Hills, kala kyntu ia u Myntri ka Tnad pule puthi Bah Lahkmen Rymbui ba un tuklar halor ka jingpynslem ban tei pyndep ia ka Block Institute of Education and Training (BIET) ha ka shnong Sakwang, South West Khasi Hills district.){kind=link}