Shillong, Risaw 22: Ka Federation of Khasi Jaintia and Garo People (FKJGP) kala dawa ba baroh 30 ngut ki MDC ka Jaintia Hills Autonomous District Council (JHADC) ki dei ban iehnohkam lada kim lah ban pynbeit ia ki jingeh ba iakynduh da ka shnong Lapangap.
U General Secretary ka FKJGP West Jaintia Hills Nangkhrawbor Rani ula pynrem jur ia ka JHADC namar ka jingbym leit jngoh ia ka shnong Lapangap wat hapdeng ki jingjia iakynad ba dang bteng mynta.
“Lada kim lah ban leh eiei halor kane ka kam, kan bha ia baroh ki MDC ba kin iehnohkam noh marmar” ula ong haba leit jngoh ia ka shnong Lapangap ban ai jingkyrshan ia ki nongrep Pnar ba kin leit otkba ha ka sngi Balang.
U Bah Rani ula pynpaw ia ka jingsngewkhia halor ka jingpyndem ka Sorkar ia ka Assam.
Ula kdew ruh ia ka jingialang ba dang shen bad u Symbud Myntri Rangbah Bah Prestone Tynsong, ha kaba ka seng kala ai jingmut ban buh ia ka ktem pulit ba shipor ha Lapangap. U Bah Rani u ngeit ba lada pyntreikam ia kane ka jingai jingmut, lehse ka jingjia ba dang shen ka lah ban nym jia satia.
Une u nongialam ka FKJGP ula ong ba ka seng ba iai ban biang ia ka jingdawa ba ka Sorkar ka dei ban buh ia ka ktem pulit ba shipor ha Lapangap ban pynthikna ia ka jingshngain bad jingiada jong ki nongshongshnong.
 kala dawa ba baroh 30 ngut ki MDC ka Jaintia Hills Autonomous District Council (JHADC) ki dei ban iehnohkam lada kim lah ban pynbeit ia ki jingeh ba iakynduh da ka shnong Lapangap.){kind=link}