Cooch Behar Trophy | Pynbna ka MCA ia ka thup kyrteng ka kynhun ka Jylla

Shillong, Risaw 22: Ka Meghalaya Cricket Association (MCA), ka la wan shakhmat ban pynbna ia ki kyrteng ki player kiban mihkhmat ia ka jylla sha ki artylli shwa ki jingialehkai ka lympung U-19 men’s Cooch Behar Trophy 2025-26.

Ha kane ka kynti kaba mynta ka kynhun ki nongjied player ka la sei madan ia ki 15 ngut ki kyrteng jong ki player bad sa San ngut ki kyrteng ban pynap (standby), ban iakhun sha kane ka lympung.

Haba pynbna ia ki kyrteng jong kane ka kynhun, kiba bun lehse kidei kiba dang shu dep ban wan ban ia aireng sha ka lympung ialehkai jong ka U-19 Vinoo Mankad Trophy one day tournament, ha kaba ka Meghalaya ka la ioh ba kan khur ia ki lai tylli ki nam jop.

Haba pynbna ia ki kyrteng jong ki player, la pynbna syndon ia u kapten ka kynhun kaba leit sha u Angkit Tamang, katba u Gaurav Narleng la jied ban long kum u vice captain jong ka kynhun.

Kumba ka long, ka jingpynkhreh pynkhrum ia kane ka kynhun kan sdang naduh ka 4 haduh ka 12 tarik u bnai Naiwieng u ban wan ha Jagiroad, Assam, bad hadien kane, ka kynhun kan pynkhreh ba kan iakhun pyrshah ia ka Sikkim ha la iing kaban sdang naduh ka 16 tarik jong u Naiwieng ban wan, hadien kane, ka kynhun kan mih pat ban leit sha Anand, Gujarat, ha kaba kin khreh ban iakhun pyrshah ia ka Manipur kaba la buh ban sdang naduhka 23 tarik Naiwieng.

Ki kyrteng ki player: Angkit Tamang (C), Apandanka R Marak, Ashish Kumar Lohar, Benedict J Makdoh, Bishesh Chettry, Dipayan Nandi, Gaurav Jyoti Thakuria, Gaurav Narleng (VC), Grish Raj Ray, Heiyoomiki Ryngkhlem, Mewankitbok Kharpuri, Namewanki Pakyntein, Paisal Ali, Rudra Singh Rathore, Sameer Choudhary

Standbys: Jarrett M Wanniang, Mannan Surana, Aristo Marak, Dameshwa Khongsngi, Namgrik K Sangma

Support staff: Synrapsing Riahtam (Head Coach), Claystone C Marak (Assistant Coach), Hamboy Langbang (Physio), Santosh Ram (Trainer), Aaron G Diengdoh (Manager)