Shillong, Iaiong 01: Ka Federation of Khasi Jaintia and Garo People (FKJGP) Mawryngkneng Circle hynne ka sngi Ba-ar, kala phah dorkhas sha u Myntri ka tnat Veterinary Bah AL Hek, ba dawa thung Doctor hapoh ka Veterinary Dispensary Mawryngkneng bad ban pynbiang dawai hapoh ka Dispensary.
Haka dorkhas, u President ka FKJGP Mawryngkneng Circle Bristar Mawthoh u la pyntip ba ka Seng kala leit jurip ia ka Veterinary Dispensary bad la lap ba ym don Doctor ba pura hapoh kane ka dispensary sumar mrad.
Ula pyntip ba kane ka jingjurip ka dei kaba la pynlong hadien ba ka Seng ka la ioh pdiang ka jingujor naki paidbah kiba ju îm da ka ri jingri jong ka thain Mawryngkneng.
“Ka jingbym don Doctor ba pura bad ka jingbym don dawai ka wanrah jingeh bha ia ki paidbah ba ri jingri hapoh ka thain. Ngi kyrpad ba phin sngewbha ban shimkhia lem ha ka ban thung pura noh ia Doctor ha Dispensary Mawryngkneng bad ban pynbiang ia ki dawai na ka bynta ka bit ka biang jong ki paidbah ” la ong ka Dorkhas.
Ka FKJGP kala kyntu ruh ia u Myntri ban shimkhia ha ka ban pynbiang iaki symbai Sniang kiba ju ioh na ki jaka ri (Farm) Sniang Sorkar ba don ha Mawryngkneng.
“Ka Seng ka dawa ba ia ki sniang symbai ba pynmih na ki Farm Mawryngkneng ym dei ban kit sha kiwei pat ki jaka hynrei dei ban pynbiang shuwa sha ki paidbah ka thain” kala ong.
 Mawryngkneng Circle hynne ka sngi Ba-ar, kala phah dorkhas sha u Myntri ka tnat Veterinary Bah AL Hek, ba dawa thung Doctor hapoh ka Veterinary Dispensary Mawryngkneng bad ban pynbiang dawai hapoh ka Dispensary.){kind=link}