La jan shisnem lah dei mang pisa ba T.88.20 lak
Nongstoin, K’lyngkot 14 : Ka Federation of Khasi Jaintia & Garo People (FKGJP)-Nongstoin Unit, kala dawa ia ka Tnad Public Works Department (PWD) ba kan trei pyndep noh ia ka surok Nongstoin-Mawkawah, kaba la sah khongreng sah bad buh ha ka jingeh ia ka leit ka wan ki paidbah.
Kat kum ka jingong ka Seng, kane ka surok kala dep ioh ia ka mang tyngka ba kot kumba T.88,20,000, kaba la mang naduh ka 27 tarik Jymmang 2025.
Kane ka jingdawa kala mih hadien ka jingioh pdiang ia ki jingud jingnam ki paidbah ia ka jingjot rathai kane ka surok, kaba la buh ia ka jingeh wat ia ki kali ba kin iaid khamtam ha ka thain Nongrim, kaba long thiep bha.
Ka FKJGP hapoh ka jingialam u President bah Nelson Marthong, ha ka sngi Balang (14 tarik Kyllalyngkot) kala leit iakynduh ia u Executive Engineer ka Tnad PWD bad daw aba dei ban pynkloi ha kaban pyntrei noh ia kane ka surok kaba donkam eh jong ka sor Nongstoin.
Ka ong ba kane ka surok kaba la tip kum ka ‘Rehabilitation of Nongstoin-Mawkawah Road ba kynthup ia ka jingshna ia ka jaka pynieng kali (0-2.60 Km)’, kat kum ba la paw ha ka Tender na u Chief Engineer PWD (Roads Meghalaya, Shillong, ha ka 6 tarik Jymmang 2025, la mang haduh T. 88,20,000/-.
Ka FKJGP ka buh jingkylli ba kumno ka tnad PWD ka khlem pyntrei ia kane ka kam kaba la jan dep shisnem duna naduh ba mang pisa haba dawa ba dei ban shimkhia noh mardor na ka bynta ka bit ka biang u paidbah.
La iathuh ba u Executive Engineer Bah D Rani haba iakren bad ki nongialam ka seng, ula kubur ba la dep mang pisa ia kane ka surok bad la dep ruh ban aiti ha u contractor ia ka kam. La iathuh ba une u Engineer ula phone ruh markhmat ia u contractor uba dei na Ri-Bhoi, ha kaba ula kular ban sa pynsdang noh shen ia ka kam.
-Nongstoin Unit, kala dawa ia ka Tnad Public Works Department (PWD) ba kan trei pyndep noh ia ka surok Nongstoin-Mawkawah, kaba la sah khongreng sah bad buh ha ka jingeh ia ka leit ka wan ki paidbah.){kind=link}