Shillong, Rymphang 06 : Ka Bharatiya Janata Party (BJP) Meghalaya, kala dawa ia ka Sorkar Jylla ban pynduhjait ia baroh ki jait kam tih par beain bad pynthikna ba baroh ki briew ba donkti ha kum kine ki kam, kin ngat ha ka jingpynshitom ba tyngeh hapoh ka ain.
“Ngi dawa ia ka Sorkar Jylla ba kan sdang ia ka jingpynduhjait bam ardor ia baroh ki jait kam tih par beain bad pynthikna ba baroh ki briew ba donkti ha kum kine ki kam, kin mad ia ki jingpynsajia ba tyngeh hapoh ka ain. Ngi kum ka Jylla bad ka imlang sahlang ngim lah shuh ban shu leh matlah ia ki jingma jong ki kam tih par beain, kaba pyniohnong tang ia ki katto katne ki riew khwai bad buh ha ka jingma ia ka jingim jong ki briew bym lah ban niew” ong u Nongaiktien ka BJP Bah M. Kharkrang ha ka kyrwoh hynne ka sngi Thohdieng, haba pynpaw ia ka jingsngewsih halor ka jingjia ha East Jaintia Hills, kaba shim ia ka mynsiem ki 18 ngut ki briew.
“Ngi ha ka BJP Meghalaya ngi sngewsih jur ia ka jingiap ba khlem pat dei por jong ki nongbylla ba duk ba suk bad phah ia ka jingsngewlem sha ki longiing jong kiba iap, sha ki briew kiba la duh noh iala ki baieid bathoin ha kane ka jingjia” ula ong.
Ka BJP kala pdiang ia ka jingpynbna ia ka song jingiarap ba T.2 lak sha ki longiing jong kiba iap da u Myntri Rangbah Duh Narendra Modi, haba pynpaw ia ka jingsngewnguh ia ka jingshimkhia mardor ia ka kam.
“Kane ka jingjia ba sngewsih ka lah ban pynkyndit ia ka Ri bad wat ia ki lad pathai khubor bar ri hynrei ngi ha ka BJP Meghalaya ngi lah ju maham man ka por ba ka jingtih par beain ka dei tang kawei pat ka kyrteng ia ki jingpynjulor kiba ap ban jia” ong u Bah Kharkrang.
 Meghalaya, kala dawa ia ka Sorkar Jylla ban pynduhjait ia baroh ki jait kam tih par beain bad pynthikna ba baroh ki briew ba donkti ha kum kine ki kam, kin ngat ha ka jingpynshitom ba tyngeh hapoh ka ain.){kind=link}