Shillong, Jymmang 21 : Ka Bharatiya Janata Party (BJP) Meghalaya, kala dawa ia ka Sorkar Jylla ban pyntreikam noh ia ka Meghalaya Residents Safetty and Security Act (MRSSA) kumba ka long hadien ba mih ka jingbthah na ka Sorkar Pdeng ban khynra bad kem ia baroh ki mynder ri ba wan na Bangladesh bad Myanmar.
Ha ka kyrwoh, u General Secretary ka BJP Wankitbok Pohshna ula ong “Ka MRSSA, kaba dei ka stieh iada pyrshah ia ka jingwan rung beain ki mynder ri, ka dang sah tang ha ka jingthoh kat haduh kine ki sngi. Ka BJP ka dawa ba dei ban pyn treikam noh mardor ia ka MRSSA kumba ka long khnang ba ki trai shnong kin ym kylla rit paidbah da ka jingwan rung kyrthep ki briew na kiwei pat ki Ri”.
Ula pynpaw ba ka BJP-Meghalaya ka dap da ka jingsngewhun ban iohi ba ka Sorkar Jylla kala shim ia ka sienjam ban leh eiei pyrshah ia ki mynderi ri ba wan rung beain, watla ka BJP ka sngew ba kum kine ki kam lah dei ban leh naduh mynno, khlem da ap ia ka jingbthah na ka Sorkar Pdeng.
“Ka Sorkar Jylla kala pynpaw ba ka Task Force ka don ha man ki District kiba don ia ka jingkitkhlieh ban ithuh ia ki mynder ri be-ain kiba la bushai shnong ha Jylla jong ngi. Hynrei kine ki Task Force kim shym la lah than ban treikam ha kine ki snem bala leit haba pyrkhat ia ka jingnang kiew ka jingwan rung ki nong Bangladesh bad Rohingya ia kaba bun ki trai shnong kin ai sakhi” ula ong.
“Ka BJP Meghalaya ka ai jingmut ba ka Sorkar Jylla kan pynthymmai ia ki Task Force bad pyniar ia ka ha kaban kynthuo lang ia ki Rangbah Shnong bad ki Dorbar Shnong jong man ki Shnong kiba lah ban iarap ban pynithuh ia ki briew ki bym dei n aka thain, ki bor khmih ki lah ban shimti ban tohkit hadien kane” ong u Bah Pohshna.
Ha kajuh ka por, une u Nongialam ka BJP ula pynpaw ia ka jingsngewnguh ia ka Ministry of Home Affairs ba ialam da u Myntri Kam Pohiing Amit Shah halor ka jingaipor 30 sngi ia baroh ki Jylla ba kin wad, ithuh, ban beh ia ki mynder beain kiba dei na Bangladesh bad Myanmar.
 Meghalaya, kala dawa ia ka Sorkar Jylla ban pyntreikam noh ia ka Meghalaya Residents Safetty and Security Act (MRSSA) kumba ka long hadien ba mih ka jingbthah na ka Sorkar Pdeng ban khynra bad kem ia baroh ki mynder ri ba wan na Bangladesh bad Myanmar.){kind=link}