Shillong, Naiwieng 30 : Ka BJP ka la dawa ia u Director General of Police (DGP) Dr LR Bishnoi ban pynjur ia ka jingiaid pahara ha ka thain Mawbah.
Kane ka jingdawa kala mih hadien ka jingshah kawang petrol bomb jong ka IIngsah u Paritosh Das ha Bengali Para, Mawbah ha ka miet sngi nyngkong.
Ha ka shithi bala phah sha u DGP ha ka sngi ba-ar, u President ka BJP Bah Ernest Mawrie ula ong ba kane ka jingjia kala pynrit bad pynshongsyier ia ki nongshongshnong jong ka thain.
“Namar kata, nga kyrpad ban phah kham bun ki bor pahara ba kin iaid pahara ha ka thain ban wanrah biang ia ka jingsngewshngain jong ki nongshongshnong ka thain” ula ong ha ka shithi.
