Nongstoiñ, Naiwieng 30: Kawei ka ïing jong I kong Phlaisibon Puweiñ ba shong ba sah ha ka shnong Siejlieh, Nongstoiñ West Khasi Hills District, ka la shah bam duh ha ka ding ha kaba katei ka longïing ka la duh ei baroh ki jingdon jingem kiba ki don hapoh ïing.
Kat kum ka jingïathuh jong I kong Phlaisibon, la ong ba hynne mynstep ha ka por kumba 10 baje ei ei, katba i dang don kham pajih na la ïing ban leit thied jingthied na ki dukan shnong.
Ila pyntip ba ia kane ka jingjia la pyntip sha I da ki marjan. I iathuh ba da ka jingpoi kloi jong ki kali pynlip ding la lah ban tem noh ia ka ding shuwa ba kan pur.
Ine I Longkmie ila pynpaw ia ka jinglyngngoh halor ka jingkem ding namar i khlem sliew ding satia ne shawla ha Iing bad kawei ruh ba ka Iing kam don bording elektrik mynta la bun sngi.
Kat kum ka jingiathuh jong I, kane ka jingpluh kala bamduh ia shibun ki mar kiba kordor khamtam kynthup ia ka pisa kaba don kumba 10 hajar tyngka ei ei bad haduh 9 jur ki soh skhor ksiar.
Kum ka jingsngewslem ia kane ka jingjia, ka Seng Samla Pdengshnong Siejlieh hapoh ka jingïalam jong u samla Kitbor Kharsyntiew kum u President, ka la leit ban ai jingiarap da ka song pisa kaba khyndiat kynsoit sha kane ka Longiing ba kan ioh pyndonkam.
