spot_img

Dawa biang ka MPMC iaka Sorkar ban pyrrkhing ia ki website phlim dakaid

Date:

Share post:

Shillong, Jymmang 12 : Ka Meghalaya Pradesh Mahila Congress (MPMC) kala iai ban ia ka jingdawa ba ka Sorkar Jylla kan pyntreikam ia ki kyndon kiba tyngeh ha kaban pyrrkhing ia ki website ba pyni ia ki dur bad phlim dakaid (pornographic) khnang ban iada ia ki Khynnah kynthei na ka jingkiew ki kam thombor ia ka longryngieng ki kynthei hapoh ka Jylla.

Haba phah ia ka shithi pynkynmaw sha u Myntri Rangbah ka Jylla Conrad K Sangma, ka President ka MPMC kong Joplin Scitt Shylla kala ong “Ngi kyrpad da kaba burom ia ka Sorkar Jylla ban shim ia ki sienjam kiba tyngeh ban pynjari ia ki kyndon kiba kham pyrrkhing ia ki website ba pyni ia ki dur ba phlim dakaid khamtam ha ki mobile bad ki rynsan digital”.

Ka MPMC kala ai jingmut ruh ia ka Sorkar ban pyntreikam ia ka digital safety campaign ha ki skul bad ki shnong ki thaw, ban iatreilang bad ki bor ka Ain ha ka ban peitthuh bad leh eiei mardor pyrshah ia ka jingsaphriang ki dur bad ki video kiba buh jingma, ban pynshlur ia ki awareness program ha kaban hikai ia ki samla bad ki kmie kpa halor ki jingktah na ka jingpeit ia ki dur bad phlim dakaid.

Kala ong ba ka MPMC ka ngeit ba ka jingnang kiew ka jingmih ki dur bad phlim dakaid kala synniang sha ka jingnang kiew ki kam thombor ia ka longryngieng ki kynthei khamtam pyrshah ia ki khynnah kynthei da ki samla bad khynnah shynrang.

“Man la ka sngi, ngi sakhi ïa ka jinglong kaba pynkulmar jingmut ha kaba ki khynnah rit ki leh ïa ki kam kiba pynmynsaw bad ki bym ïahap, bunsien ka dei na ka daw ka jingsuk ban ioh peit ia ki dur bad phlim dakaid lyngba ki kor Online. Kane kam buh jingma tang ïa ka jingshngaiñ bad ka burom jong ki khynnah kynthei ha kylleng ka jylla hynrei ka pynpaw ruh ïa ka jinghiar ka akor kaba dei ban pynbeit lang bad leh mar mar,” ong ka kong Shylla,

Katkum ka jingong jong ka, “Ka jingleh eiei ha kaba por kaba biang bad kaba treikam bha ka lah ban ïarap ban ïada na ka jingpynjot shuh shuh ïa ka imlang sahlang jong ngi bad ban pynthikna ïa ka jinglong jingman kaba kham shngaiñ na ka bynta ki khun jong ngi—khamtam eh ïa ki khynnah kynthei jong ngi”.

“Ngi kyrmen ba ka sorkar kan shim khia mardor ban leh eiei halor kane ka kam bad ngi kum ka kynhun kynthei jong ka seng Congress, ngi la kut jingmut ban kyrshan ïa kino kino ki jingpyrshang ha kane ka liang,” kala ong ha ka shithi.

Share post:

spot_img
spot_img

Popular

More like this
Related

Assam |Iakhih paidbah ka ABMSU ba shah thombor ki rit paid ha ka nam beh mynder

Guwahati, Jylliew 25: Ka All Assam Minority Students' Union...

Jingiap u Raja Raghuvanshi | Ioh ka SIT ban tohkit 6 sngi ia ki 3 ngut ki nongpynjulor sakhi ha Indore

Shillong, Jylliew 28 : Ka Iingkashari Chief Judicial Magistrate,...

Bthat ia u Kynjri | Wer u CM ban iakhun thma lang pyrshah ia u Droks bad ban jop

Hapoh 3 snem, kurup ki Pulit ia ki jingdih...

Ujor ka JJACBI ba shah thombor ki paid Lapangap namar ka jingiakajia pud bad ki Karbi

Dawa buh Police Outpost ha Lapangap bad buh buh...