Shillong, Rymphang 24: U Myntri ka tnat pule puthi u Bah Lahkmen Rymbui u la pyntip hapoh ka Iing dorbar ba ka Meghalaya Bharat Scouts and Guides ka treikam hapoh ka tnat pule puthi bad ba la shna ruh iaka Service Rules na ka bynta ki nongtrei.
Haba jubab ïa ka jingkylli bala wanrah da u MLA ka UDP Bah Renikton Lyngdoh Tongkhar, u Lahkmen u la ong ba kane ka Draft jong ka Service Rule ka dang don ha ka jingpynkhreh ban bishar bad mynjur.
U la bynrap ba ki samla pule kiba pynrung kyrteng hapoh ka Meghalaya Bharat Scouts and Guides ki ïoh lad ban shim bynta haki jingialang haki kyrdan district, state, regional, national bad international level ban ioh jinghikai haki mapping, pioneering bad campcraft ki bym ju hikai ha ki skul.
