Shillong Naiwieng 16: U Myntri Rangbah ka jylla u Conrad K Sangma ula ong ba ka sorkar jylla kala pyniaid shakhmat ia ki kam ki jam naka bynta ban pynlong iaka elekshon MDC jongka Khasi Hills Autonomous District Council (KHADC) bad Jaintia Hills Autonomous District Council (JHADC).
“Ki kam ki jam kila iaid shakhmat abd ngi la iaid katkum ka lynti kaba dei ban iaid, kumta ngin sa peit haba ngi ioh ia kano kano ka jingpyntip na ka tnad kaba dei khmih, ngin sa shim ia ka rai ha kaba iadei bad ka jingbuh ia ki tarik bad kiwei kiwei” ong u Conrad K Sangma haba iakren bad ki nongthoh khubor.
Halor ka jingsaphriang ba lah ban pynjlan iaka elekhson jong ka KHADC bad GHADC namar ka jingsahteng ban pynkylla ia ki kyndon jongka Sixth Schedule jong ka riti synshar ka ri, u Myntri Rangbah ula ong, “Haduh mynta ngam pat ioh jingtip eiei bad ngam pat ioh ia kano kano ka jingthoh ruh bad tang ynda ia ka jingthoh la pynpoi sha nga bad sha u Myntri uba khmih iaka tnad District Council Affairs kumta ngin sa lah ban kren eiei halor katei ka bynta”.
