Shillong, Nailur 09 : U Symbud Myntri Rangbah ba khmih ia ka District Council Affairs (DCA) Bah Prestone Tynsong ha ka sngi Ba-ar, ula pyntip ba ka Sorkar ka dang pyniaid ia ki kam ha kaban pyllait ia ka bhah khajna ba T.60-70 klur sha ka Khasi Hills Autonomous District Council (KHADC).
“Dang shen u CEM ka KHADC ula iakynduh ia nga bad mynta ngi dang pyniaid ia ki kam ban pyllait ia ka pisa kaba long kumba T.60-70 klur. Ka jingiakhein iadiah ka dang iaid bad shen ngin sa pyllait noh ia ka” ong u Bah Prestone ha Iingdorbar haba jubab ia ka jingkynnoh jong u MLA ka VPP na Nongkrem ba ka Sorkar kam kwah pyllait ia ka bhah jong ka KHADC.
“Ia kiwei ki ADC, ngi lah dep ban leh. Kumta, nga kwah ban pynshai ba to ai ba ngin nym duh thiah duh dem. To ngin ap bad ailad ban wan ka khubor. Kum ki dkhot ka Iingdorbar, ngi don ia kajuh ka jingkitkhlieh bad kajuh ka jingsngewkhia halor ki jinglong jingman ba ngi iohi haba iadei bad ki AD” ula ong.
 Bah Prestone Tynsong ha ka sngi Ba-ar, ula pyntip ba ka Sorkar ka dang pyniaid ia ki kam ha kaban pyllait ia ka bhah khajna ba T.60-70 klur sha ka Khasi Hills Autonomous District Council (KHADC).){kind=link}