Agartala, Jymmang 24: U Myntri Rangbah ka Jylla Tripura u Manik Saha hynne ka sngi ula kynthoh tyngeh iaki Pulit ka Jylla West bad ong ‘Ka jingleh riewkhlaw’ ka dang don hapoh ka Jylla West Bengal.
Kane ka wan hadien baki Pulit ka West Bengal haka jingbthah ka Trinamool Congress, kila pynsangeh iaka jingiaid paidbah ka BJP ba ialam da u Myntri Rangbah ka Jylla Tripura u Manik Saha.
Kane ka rally ka dei ban lum ka jingkyrshan ia u kyrtong ka BJP na Kolkata u ba dei ruh u Myntri Sorkar Pdeng barim u Debashree Chowdhury hadien bala ioh jingbit.
Haba kren sha ki lad pathai khubor u Manik Saha ula ong “Ngi dang shu sdang iaka ‘Road Show’ hynrei ki Pulit kila pynsangeh. Kila ong ba ngim lah ban iaid shakhmat daka ba kynnoh ba ngi khlem ioh jingbit. Hynrei ngi la dep ban phah daka jingthoh hynrei ki iai pynsangeh iaka jingiaid jong ngi. Kane kadei ka jingleh riew khlaw. Ka dang iaid ka jingialap ilekshon, kumno ngim lah ban ialap ilekshon. Nga pynrem jur ia Kane”.
