Shillong, Jylliew 25 : U Myntri khynnah ki kam korbar ri Prabitra Margherita ha ka sngi Balang ula pyntip ba ka Sorkar Pdeng ka dang shong bishar halor ka jingdawa pyntreikam ia ka Inner Line Permit (ILP) ha Meghalaya, kaba la sahteng la slem bha.
Haba iakren bad ki nongthoh khubor, u Margherita ula pynshai ba kam long satia kaba shisha ba ka Sorkar Pdeng kam don jingtip lane ka shu sngap jar jar halor kane ka kam.
“Ki don shibun ki kam ba dang sahteng jong baroh ki phra tylli ki Jylla ka thain Shatei Lam Mihngi, kiba la sah da ki phew snem” ula ong.
Hynrei ula pynpaw pat ia ka jingsngewskhem ba ia ka kam ba iadei bad ka ILP yn sa pynbeit noh da ka Sorkar Pdeng hapoh ka jingialam u Myntri Rangbah Duh Narendra Modi.
“Hapoh ka jingialam u Myntri Rangbah Duh Narendra Modi, ia kine ki kam baroh yn sa pynbeit kawei hadien kawei” ula bynrap.
 ha Meghalaya, kaba la sahteng la slem bha.){kind=link}