Shillong, Risaw 27: Ka tnad pule puthi jong ka jylla kan dang ban shim rai ia ka Action Plan ban pyntreikam iaki jingai jingmut jong ka Meghalaya State Education Commission (MSEC).
Ia kane la pyntip da u Myntri ka pule puthi u Bah Lahkmen Rymbui haba iakren bad ki nongthoh khubor hynne ka sngi Nyngkong bad ong ba kane ka kam ka dang iaid shaphrang bad ym pat lah ban pyndep.
Katkum ka jingong ka jongu, ka tnad ka dang pule bniah ia kitei ki jingai jingmut bad kila don katto katne ki mat kiba donkam ban shimkhia bha.
“Kan shim por sa katto katne (ban pynmih ia ka jingpynwandur kaba thikna)” la ong u Bah Rymbui.
Ula bynrap ba ka sorkar kan buh hakhmat ha kaban pyntreikam ia ki jingai jingmut kiba suk ha kaban pyntreikam, katba ia kito kiba donkam ban iasyllok shwa bad baroh kiba donbynta lang ha ka kam kin kham shimpor ban pyntreikam.
Haba kylli, u Bah Rymbui ula ong, ba ka ha ka liang ka pule puthi ka donkam ban kynthup ia ki kynhun ki bapher bapher bad ia kiba donbynta lang ha ka kam, kumta ka sorkar ka donkam ban kynthup lang ia baroh ha kaban shim lang ia ka rai.
U Myntri um shim la pyntip ia ka por kaba la buh ban pynkhreh pura iaka Action Plan, hynrei ula ong, ba baroh kan shong beit ha ka jinglong jingman jong ki jingai jingmut bad ia ka jingdonkam ban iasyllok bad kiba donbynta lang ha ka kam.
.){kind=link}