Dang ap kaiphod u Myntri halor ka jingshah pynjulor ki skul ha u lapbah

Date:

Share post:

Shillong , Jylliew 23: U Myntri ka tnad Pule Puthi ka jylla, Bah Lahkmen Rymbui u la pyntip ba ka tnad ka dang ap ia ka jingtip na ki Deputy Commissioner jong ki distrik bapher bapher la ki don ne em ki skul kiba shah pynjulor ha ka jingther u lapbah bad ka jingshlei um kaba jur ha kine ki khyndiat sngi.

“Haduh mynta ngim pat ioh jingtip namar ngi dang ap ia ka kaiphod na ki distrik bapher bapher,” ong u Myntri haba kren bad ki lad pathai khubor.

Da kaba kubur ba ki lah ban don beit ki skul kiba julor na ka jingther jong u lapbah ba jur ha kane ka taiew ba la dep, u Myntri u la ong ba na ka liang ka tnad hi kim pat lah ban ong ei ei katba kim pat ioh ia ka kaiphod na baroh.

Haba jubab kaei ka sienjam ba ka sorkar kan leh na bynta kitei ki skul, u Myntri u la ong ruh ba kano kano ka skul ha ka por ba ki shna kadei beit ha ka jaka kaba biang. Hynrei namar ka jingther palat jong u lapbah mynta ka kynti kitei ki skul ki lah ban shah ktah ne shah pynjulor.

“Ia kane ngin sa peit ynda ngi la ioh ia ka kaiphod na ki distrik bapher bapher,” bynrap biang u Myntri.

Shuh shuh haba jubab ia ka jingkylli, u Myntri u la ong ba ha kito ki jaka ba ju don ka jingshlei um, ki paidbah ki la tip lypa kumno ban husiar ialade bad dei kane kaba pynlong ia ki ba lehse kin ym phah skul ia ki khun ha kum kitei ki sngi ba jur u lapbah.

Lah ban kdew hangne ba ha kito ki sngi ba jur bha u lapbah ki la saphriang kylleng ki dur bad video jong kawei ka skul kaba don ha rum Mawphlang kaba la shlei um jan mar shiteng jong ka jingtei.

Share post:

spot_img
spot_img

Popular

More like this
Related

Kylla iingjah ka Iew Dohkha ha Saiden wat hadien 3 snem ba dep tei, bijai ei T. 1.44 klur

Shillong, Risaw 02 : Ka jingjied khlem da bishar...

Rai ka KAS ban leit pan jingshai na u Amit Shah halor ka dorkhas ban ai jingithuh ia ka Ktien Khasi

Shillong Risaw 02: Ka Khasi Authors’ Society (KAS) kala...

Pyni nuksa ki BSF ban lehkhuid da ka jingrakhe ia ka Swachhata Hi Sewa

Shillong Risaw 02: Kum shi bynta ban wanrah ia...

Plie ka Nongthymmai ia ka jaka leitbar paidbah ban pynsah jingkynmaw ia ka Gandhi Jayanti

Nongpoh, Risaw 02: Ka Dorbar Shnong Nongthymmai jong ka...