Nongpoh, Risaw 19: Kum shi bynta ban pynshlur ia ki samla pule ka Ri Bhoi ba kin pyntbit ialade ha ka sobjek Science, ka Nongpoh Ram Mandir, Durga Puja Committee kaba don ha Nongpoh, ka la pynieng syndon da u Chandrayan-3 hakhmat ka jaka lehniam kaba la don mynta la kumba 96 snem eiei naduh ba la sdang thaw iaka ha u snem 1927.
Kumban shu iathuh khyndiat, kane ka jinglehniam Durga Puja jong ki paidbah Hindu, la sdang naduh ka 15 tarik bad yn pynkut pat ha ka 24 tarik mynta u bnai Risaw ha kaba la iohi ba ka la don ka shibun ka jingpynkhreh pynkhrum bad ki jingpynitynnad ruh ha katei ka jaka lehniam.
Haba ioh ban iakren bad u Unteshwar Singh, President jong ka Nongpoh Ram Mandir, Durga Puja Committee, u la ai khublei Durga Puja ia baroh ki paidbah ka them Ri Bhoi bad iathuh ba ka daw kaba la pynlong iaki Committee ban pynieng ia utei u Chandrayan-3 hakhmat katei ka jaka lehniam mynta ka kynti, ka long ba bunsien la iohi ba ki samla na Ri Bhoi ki ju shim ban pule tang ha ka lain Arts bad Commerce da kaba klet noh ia ka sobjek Science.
Kumta, lyngba kane ka jingpynieng ia utei u Chandrayan-3, u Unteshwar Singh u la ong ba lehse kan pynshlur bad pynktik ia ki samla pule ka Ri Bhoi ba kin minot bad shim ia la sobjek Science bad long ki riewkhraw ha ka Ri ban wanrah ia ka nam ka burom ia ka Ri Bhoi hi baroh kawei.
Pule lang ia kane: Cherry Blossom : “Ngi khlem pynbor ban iawan tamasa! Ki bym sngewtynnad te ynnai wan”, ong u Myntri
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
