Shillong, Risaw 24: Ka sorkar jylla Meghalaya kum shi bynta ban pynsuk ia ki paidbah bad kumjuh ruh ban wanrah ia ka jingsynshar kaba bha, ka la pyntip na ka bynta ban thaw noh ia ka Police Station kaba thymmai ha Dakopgre ha West Garo Hills District ban tip ia ka kum ka Dakopgre Police Station.
Hadien ba la thaw ia ka Police Station Dakopgre, ki jaka kiba wan hapoh ka jingpeit jong ka kin sangeh noh ban long hapoh ka Tura Police Station.
U pud u sam jong ka Dakopgre Police Station ki long ka Damalgre PS, South West Garo Hills District ha ka North, ka Babadam OP ha ka East, ka Tura PS ha ka South bad ka Araimile PS ha ka West.
Shuh shuh, ka Sorkar Meghalaya lyngba ka Notification ba la pynmih, ka la pyntip ruh na ka bynta ban thaw ïa ki Police Outpost ba thymmai. Ki Police Outpost kiba thymmai ki long ha Maweit ha West Khasi Hills District ban tip kum ka Maweit Police Outpost, ha Ashugre ha South Garo Hills District ban tip kum ka Ashugre Police Outpost bad ha Jadi ha South Garo Hills District ban tip kum ka Jadi Police Outpost.
U pud u sam jong ka Maweit Police Outpost ki long ka Nongstoin PS bad ka Mawshynrut PS ha ka thain shatei lam mihngi, Mawkyrwat PS, South West Khasi Hills District ha ka thain mihngi, Nonghyllam PS, South West Khasi Hills District ha ka thain shathie bad ka Shallang PS ha ka thain sepngi.
U pud u sam jong ka Ashugre Police Outpost kan long ka shnong Digranggre kaba hap hapoh ka Sangknigre PS ha ka thain shatei lah mihngi, ka shnong Deku kaba hap hapoh ka Chokpot PS ha ka thain mihngi East, ka shnong Rimrangpara kaba hap hapoh Dalu PS, West Garo Hills District ha ka thain shathie bad ka shnong Sandong kaba hap hapoh ka Sangknigre PS ha ka thain sep ngi.
U pud u sam jong ka Jadi Police Outpost kin long ka shnong Rongdong kaba hap hapoh ka Siju PS ha ka thain shatei lam mihngi, ka shnong Darang Boldak kaba hap hapoh ka Nongalbibra PS ha ka thain mihngi, ka shnong Pattalgittim kaba hap hapoh ka Nongalbibra PS ha ki bynta ba shathie bad ka wah Simsang bad ka shnong Rangram Pattal kaba hap hapoh ka Shallang PS, West Khasi Hills District ha ki bynta jong ka sep ngi.
