Da ki jingshna ba harukom sei ki samla pule St. Mary’s College ban rakhe dap 50 snem ka jylla

Date:

Share post:

Shillong, Nailar 1 : Ka Political Science Department jong ka St Mary’s College Shillong ha ka 29 tarik u Naitung ka la pynlong ia ka exhibition ban rakhe ia ka jingdap 50 snem ka jingioh la ka jong ka jylla.

Na ka liang ki samla pule kiba shim bynta ha katei ka exhibition ki la pyni ia ki jingshna bapher bapher kiba iahap bad ka jingiaid lynti jong ka jylla ha kine ki 50 snem. La pyni ruh ia ka jingriewspah ka Meghalaya la ka long ha ka kolshor, ka jinglong tynrai, kam jngohkai bad kiwei kiwei kynthup ruh ia ki tamasa bad ki jinglehniam kiba pyni ia ka jingriewspah ka Meghalaya ha ki liang baroh.

La pyni ruh lyngba katei ka exhibition ia ka jingiaid lynti jong ka Meghalaya naduh kitei ki 50 snem mynshwa bad haduh mynta.

Ki samla pule ki la pyni ruh ia ki jingshna kiba pynkynmaw biang ia ka jingpynkhynñiuh u jumai bah ha ki spah snem mynshwa ia ki bynta jong ka jylla.

Nalor kine la pyni ruh ia ka jingtrei jong ki Myntri Rangbah ha ki snem ba la dep na ka bynta ka jingkiew jong ka jylla ha baroh ki liang khamtam eh ban kyntiew ia ka roi ka pa jong ka jylla.

La ioh ruh ka jingkren na ka Principal jong ka College, ka Sister Mary Harriet kaba la iaroh ia ki samla pule kumjuh ia ki nonghikai kiba la lah ban pynphuh ia katei ka prokram kaba shongkun bad don jingmut, ong ka kyrwoh ba la phah da ka Head of Department, Miss I Kharumnuid.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...