Nongpoh, Nailar 29: U MLA ka Nongpoh Konstituensi u Bah Mayral Born Syiem u la pynbna paidbah ba un ai da ka song pisa ha ryngkat ki jingai sngewbha sha kino kino ki samla pule ka Ri Bhoi College kiba pass bha ha ki eksam ban pynlong da ka North Eastern Hills University.
Ïa kane u Bah Mayral Born Syiem u la pynpaw paidbah, ha ka jingkren jong u kum u kongsan ha ka prokram pynkup burom ïa ki 325 ngut ki samla pule ba la pass ïa ka graduation na Ri Bhoi College kaba la long ha ka 29 tarik u Nailar.
Kum u nongmihkhmat ka Nongpoh Assembly Constituency, mynta ka sngi kum ka dak ban sdang ïa kane ka jingkular u la ai sngewbha ïa ka song pisa kaba 20 hajar tyngka sha kawei ka samla pule na Ri Bhoi College kaba la wan shakhmat duh ha ka Arts Stream kaba la ïoh mark heh tam ha ka subject Education.
Ha kane ka sngi ba la pynkup burom ïa ki samla pule ka ri Bhoi College kumba 69 ngut ki dei kiba la wan ha ka 1st position.
La sakhi lang ha kane ka prokram da u Bah SSR Bamon Principal ka Ri Bhoi College nalor ki Proffesor jong kane ka college.
