Nongpoh, Jylliew 23 : Ki Pulit ka Ri-Bhoi District, kila pynbna ban pynlong da ka rally niah thuk thukali ar shaka lashai ka 24 tarik Jylliew ha Ri-Bhoi, ban ialap pyrshah ia u droks bad ban ong “Em ia u droks”.
Ia kane ka rally thuk thuk yn pynsdang naduh ka por 10 baje mynstep na Nongpoh bad yn pynkut ia ka ha Umiam.
Ki Pulit kila shim ia kane ka sienjam kum ka lynti ban iakhun pyrshah ia ka jingjyllei u droks ha Jylla bad ban pynsngew thuh ia ki paidbah khamtam ki samla samhoi ba kin kiar lai lum lai wah na une u jingdih pynbuaid, u ban pynjot ym tang shimet hynrei ia ka iing ka sem bad ka imlang sahlang baroh kawei.
Ka Tnad Pulit kala iawer ia ki paidbah ba kwah ban iashimbynta ba kin ai jingtip ha une u nombor 6009135270/6009749383.
Pule lang ia kane:Â Kem ka ANTF ia 2 ngut ki Nongkhaii droks, kurup heroin ba T. 2 lak
