Nongstoiñ, Ïaiong 06: Ka shnong Nongkaniang kaba don ha khap sor ka thaiñ Nongstoiñ West Khasi Hills District, ryngkat ka Mawkynjoiñ, ki la maham tyngeh ïa ki briew ba wieh dawai bad pynbthei bom ïa ki doh um doh wah ha ka ki ar tylli ki Wah shnong, kiba kynthup ïa ka Wah Umseiñïong bad ka Wah Ummiang.
Kane ka Shnong kala maham ba lada lap ia ki briew kiba donkti,ka Shnong da lei lei kan ym map ia ki hynrei kan leh tyngeh ban pynshitom ryngkat ka kuna kaba heh.
Ka shnong ka la ong shuh shuh ba da lei lei yn ym shah shuh ban tong doh naduh u bnai Naiwieng haduh u Ïaïong, kata ruh lada ka aïom lyiur ka wan kloi yn shah ha u bnai Ïaïong. Lym kumta ym shah toi lada ym wan kloi u slap bad ka jingkhang ban tong doh ka long naduh ban Khwai, tong Tongsong bad kiwei kiwei.
Ka shnong ka ïawer ruh ïa ki shnong ba marjan ban ïatreilang kum ka shnong Mawkynjoiñ. Ka shnong ka la buh ruh ïa ki nongpeit pyrman wat ha ka por miet bad lada lap yn ym don jingmap.
Ha ka jingleit jurip ïa ka wah Umseiñiong bad wah Ummiang ha ka sngi saitjaiñ, la ïadonlang u bah Benansius Wanñiang bah Cyprian Langrin bad kiwei kiwei kiba la lamkhmat ruh ban leit jngoh bad jurip.
