Shillong, Rymphang 16 : Ka bor District ka East Jaintia Hills, kala pyntip ba kan leh da ka drone survey ban lap bad ithuh ia ki par tih dewiong thliew khnai hapoh ka District.
Ia kane ka survey da ki drone yn leh da ka Meghalaya Basin Development Authority (MBDA) ha ryngkat ka Director of Mineral Resources (DMR), Shillong bad ka Tnad Pulit.
U Deputy Commissioner Manish Kumar u bthah ia ki paid nongshongshnong ba kin ai ka jingiatreilang bad ki bor District ban lah pyniaid beit iaid ryntih ia kane ka survey.
Kane ka jingleh survey ka dei kaba la shimkhia hadien ka jingjia bthei ka par tih dewiong beain ha Mynsngat-Thangsko, kaba la shim ia ka jingim ki nongbylla kaba la kynjoh sha ka 33 ngut.
