Shillong, Jymmang 03: Kila don sa 8 ngut ki nongshong shnong kiba la ioh iaka jingpang COVID-19 hynne ka sngi Balang ha ka Jylla Meghalaya.
Na kitei ki 8 ngut kiba ioh jingpang, 4 ngut kidei kiba na West Garo Hills, 2 ngut na East Khasi Hills, 1 na South Garo Hills bad 1 na South West Khasi Hills.
Baroh kiba dang don ia katei ka jingpang ha ka jylla ki long 18 ngut.
Kila don 2 ngut ki nongpang kiba la koit katba 3 ngut ki dang don hapdeng ka jingshah sumar.
Kumba long mynta, kiba lah ioh iaka COVID-19 ha ka jylla kila don baroh 96864.
