Shillong, Dec 22: U Pushkar Raj Singh ula ioh iaka Century ne kamai 100 run na ka bynta ka Meghalaya ha ka sngi sdang jongka Semi Final ka U-19 Men’s Cooch Behar Trophy pyrshah ia ka Arunachal Pradesh kaba la long hynne ka sngi Thohdieng ha Anand, Gujarat.
Ka Meghalaya kala leit tied nyngkong bad kala kamai 220 run bad hap lut ki nongtied ha ka jingleit tied ha ka sien kaba nyngkong ne First Innings bad haba ka Arunachal kala leit ban tied hynne ka sngi kala kamai 53 run bad hap tang 1 wiket bad ka donkam ban kamai sa 169 run ban tam ia ka Meghalaya.
U Pushkar ula kamai 111 run na ki 207 bol bad ha ka jingiakhun kaba la dep ruh pyrshah ia ka Arunachal u Anand ula lah ban kamai 79 run.
Nalor kane, u kapten ka Meghalaya u Dipankar Baruah ula kamai 42 run, katba u nongkawang bol ka Aruunachal u Harsh Sharma ula shim 5 wiket bad ai 66 run.
Ka Arunachal kan bteng ban tied biang lashai ka sngi bad ka Meghalaya kan ialeh ban pynhap kloi ia ki nongtied ka Arunachal ba kin ym lah ban kamai palat iaka
150 run.
