Shillong, K’lyngkot 31 : U Nongialam ka Congress bad MLA ka Mylliem Bah Ronnie V Lyngdoh ha ka sngi Thohdieng, ula kynnoh ba ka kyrtong MDC ka Voice of the People Party (VPP) na Mylliem Aibandaplin Lyngdoh Nonglait, kala ialam bakla ia ki paidbah da kaba kam ba ka pule Theology haba ka pass tang ka klas XII ha ka affidavit.
“Ngi la pule bniah ia ka affidavit bad ngi shem ba ka kong Aibandaplin Lyngdoh Nonglait kala ialam bakla ia ki paidbah da kaba kam ba ka pule Theology hynrei ha ka affidavit kala pynpaw ba ka dang pyndep tang ia ka klas XII” ong u Bah Ronnie haba iakren bad ki nongthoh khubor.
“Kane ka pyni ia u pud ba haduh katno ka lah ban leh ban shim kabu ia ka jingsngew jong u paidbah. Ka affidavit ba kala ai haba ka iakhun ia ka elekshon MLA 2023 ka pyni ba ka dei tang kaba pass klas XII. Ym shym la pynpaw ba ka pule ia ka Theology. Lad aka lah ban thoh ia u paidbah hashuwa ban jop ia ka elekshon, ngam tip shuh katno kan leh hadien ba ka jop” ula ong.
U Bah Ronnie u dei uwei na ki MDC ba mynta uba la rai ban nym iakhun shuh ia ka elekshon sha ka Iingdorbar ka KHADC.
