Shillong, Kyllalyngkot 09: Ka Meghalaya kala pynliem iaka Sikkim da 328 run ha ka U-23 Men’s Col CK Nayudu Trophy kaba la long hynne ka sngi baar, ha Rangpo, Sikkim, ha kaba u nongkawang bol ka Meghalaya u Manish Sharma ula ioh khur 8 wiketbad ai tang 14 run.
U Manish ula ioh khur 6 wiket haba ka Sikkim kala leit tied ha ka sien kaba nyngkong bad haba ka Sikkim kala leittied ha ka sien ka baar u Manish ulaioh khur 8 wiket bad baroh ka jingioh wiket u Manish ka long 14 wiket bad ula ai tang 54 run bad kadei ruh ka histori ba u nongkawang bol ka Meghalaya yn ioh shim bun wiket.
Ka Meghalaya kala leit ban tied nyngkong bad kamai 113 run haba kala leit tied ha ka sien kaba nyngkong katba ka Sikkim kala kamai tang 91 run bad hadien kane, ka Meghalaya kala leit tied biang bad kamai 370 run bad hap 9 wiket bad kala tam da 392 run.
U kapten ka Meghalaya u Kevin Christopher ula ioh iaka Century ne kamai 100 run tam bad haba ka Sikkim kala leit ban tied kam shym la lah ban ialehkai bha bad kala kamai tang 64 run bad hap lut ki nongtied ha ka 40.5 over.
Kila don tang 2 ngut ki nongtied ka Sikkim kiba la kamai palat iaka 10 run, ha kaba u Manish ula shim 8 wiket katba u Aryan Borah bad u Abhishek Kumar kila ioh mar 1 wiket.
Ka kynhun jong ka Meghalaya mynta kan leit sha Gujarat ban iakhun pyrshah ia ka Manipur kaban sdang naduh ka 14 tarik u Kyllalyngkot ha Surat.
