Shillong, Naiwieng 14: Ka Senior Men Selection Committee jong ka Meghalaya Cricket Association kala pynbna ia ka kyrteng jong ki nongialehkai Cricket ban iashimbynta haka jingialehkai kaba 5 jongka U-23 Col CK Nayudu Trophy pyrshah ia ka Railways, kaban sdang naduh lashai ka sngi Thohdieng ha Rajkot, Gujarat.
Ka Meghalaya kala dep ban iakhun saw sien bad kala mad iaka jingrem da kaba shah pynliem ha ka Punjab, Andhra Pradesh, Himachal Pradesh bad Rajasthan.
Ha ka jingiakhun kaba khatduh pyrshah iaka Rajasthan kaba la long ha ka taiew kaba la dep, kala paw ka kyrteng jong ki katto katne ngut ki nongialehaki kiba la lah ban ialehaki bha hynrei ka Meghalaya kala shah pynrem da ka Innings bad 29 run.
U Manish Sharma ula long u nongialehkai uba kongsan ha kaba ula ioh khur 6 wiket bad ia 110 run ha ki 39.4 over, ha kaba ka Rajasthan kala kamai 352 run bad 62 run ha ka jingleit tied ha ka sien ka baar. Ka Meghalaya kala kamai 143 bad ha ka jingleit tied haka sien ka baar kala kamai 180 run bad u Sachin Kumar ula kamai 68 run.
Ka Meghalaya ka dang khmih lynti ba kan lah ban ialehkai bha shuh shuh ha ka jingiakhun pyrshah ia ka Railways naduh lashai ka sngi bad ka Railways kadei ka kynhun kaba la jop shisien, iakhaid arsien bad kala rem pat shisien.
Ki kynhun ki nongialehkai ka Meghalaya ban iakhun pyrshah ia ka Railways ka kynthup ia u Kevin S Christopher (C), Manish Sharma (V-C), Rohit Kr Yadav, Sachin Kumar (WK), Abhishek Kumar, Kush Agarwal, Gavineal J Marpna, Bipin Kr Ray, Josiah Momin, Joydeepan Deb, Banialam Mylliemngap, Gulgul Sangma, PM Santhosh, Thunun Marak (WK) bad u Swastic Chettri.
Ki nongialehkai kiba la pynap ne Standbys ki kynthup ia u Agreas Cham Cham Sangma, Navin K Ray, Aman Kumar, Bharat Gurung, Raghav Magotra, katba ki Support Staff ki kynthup ia u Neetesh Sharma (Head Coach), Synrapsing Riahtam (Assistant Coach), Emidao Dhar (Physio), Skhembor Khongbtep (Trainer) bad Chuba R Marak (Manager).
