CM : Ngin ym lah mutdur shuh ia ka jingktah ban ai tulop kumjuh ia ki Nonghikai ka Jylla

Date:

Share post:

Shillong, Lber 27 :U Myntri Rangbah ka Jylla Conrad K Sangma, hynne ka sngi Nyngkong, ula ong ba ka jingktah kan long kaba ym lah mutdur shuh ia ka Sorkar Jylla ba kan lah ai ia mar katjuh ka tulop ia palat 65000 ngut ki Nonghikai hapoh ka Jylla.

Haba jubab hapoh ka Iingdorbar, u Conrad ula ong ba palat T. 2700 klur la dep ban mang ha ka kam pule dangle ha kaba haduh T. 2,200 klur la pynlut tang ia ka tulop ki Nonghikai.

“Namar kata, kam long kaba suk ia ka Sorkar” ula ong haba pyntip ba ka State Education Commission kan sa iarap ia ka Sorkar ban pynbeit ia ki jingeh kiba don ha ka kam pule dangle.

Halor ka kam ba iadei bad ki Nonghikai skul Adhoc, u Myntri Rangbah ula ong baka long kaba donkam ban kynmaw ba ki skul adhoc kila sdang da ki Managing Committee shimet ym da ka Sorkar.

Namar kata, ki Nonghikai jong ki skul adhoc ki dei kiba la thung da ki managing committee shimet jong ki skul ym da ka Sorkar.

Hynrei ula ong ba ka Sorkar kala rai ban iarap pisa kum ka adhoc grant hadien ba ki managing committee jong ki skul kila wan pan jingiarap.

U Myntri Rangbah ula pyntip ba ki don jan 700 tylli ki skul kiba la pan ia ka adhoc grant hynrei ka Sorkar kam pat ai jingmynjur satia.

Nalor kane, ula pyntip ba ka Sorkar kala siew ia ka tulop jong ki nonghikai ki skul Lower Primary ka Sorkar Jylla ha ka por kaba biang.

“Ngi la sngewthuh ruh ba….kine ki nonghikai(skul adhoc) ki dei hok ban ioh ia ka tulop ha ka por kaba dei bad ta ka daw, ngi la shong pyrshang halor ki jingai jingmut la slem bha bad ruh ngi la pynkiew ia ka grant bad pynthikna ba la pynpoi ia ka pisa ha ka por kaba dei” bynrap u Conrad.

Shuwa kane haba jubab ia ka jingkylli bala wanrah da u MLA ka Congress na Nongstoin Bah Gabriel Wahlang, u Myntri ka tnad Pule Puthi Rakkam N Sangma ula iathuh baka Sorkar ha u snem bala lah, kala pynkiew ia ka adhoc grant jong baroh ki skul laitnoh ka SSA.

Ula pyntip ruh ba ki don palat 1002 tylli ki kam nonghikai kiba lait ha ki skul Lower Primary ka Sorkar ha kine ki arsnem bala leit noh bad bynrap ba ka jingthungkam kan sa long noh.

“Ka Sorkar kala rai ruh ban phah ia ki nonghikai ba shipor sha baroh ki skul Lower Primary ka sorkar naba ka don ka jingpynslem ban thungkam ia ki nongwadkam kiba la pass ia ka MTET” ula bynrap.

Pule lang ia kane: Pat pynlut ka Sorkar ia ka pisa iakhun Covid-19, pynshai ka Myntri ha Iingdorbar

Share post:

spot_img

Popular

More like this
Related

Iap u Rangbah ba shah thom ha u hati khlaw

Tura, Lber 29: Uwei u briew ula duh ei...

Elekshon Lok Sabha | Khylliap lama ka TMC ha Nongstoin, poi iasoh NPP ki Nongialam

Nongstoiñ, Lber 29: Katba ki sngi ki nang jan...

Pynjlan ka Sorkar ia ka AFSPA ha ki 4 District ka Assam

Dispur, Lber 29: Ka Sorkar Assam kala pynbna ban...

Pynjlan ka Sorkar Pdeng ia ka AFSPA ha Arunachal Pradesh bad Nagaland

Guwahati, Lber 29: Ka tnat Ministry of Home Affairs...