Gangtok, January 7: Ka Nongkseh Sports Social and Cultural Club (SS&CC) kala sdang ia u snem thymmai da kaba khur ia ka jingjop, da kaba jop da 2–1 ia ka Gangtok Himalayan Sports Club ha ka jingialehkai ha ka 11th All India Chief Minister’s Gold Cup International Football Tournament kaba la long ha Jorethang ha ka sngi Balang.
Da kaba leit ban ialehkai ha ka sien kaba nyngkong eh shabar ka jylla, ka lahduh ka Shillong kala ialehkai bha ban bteng ban ym mad ia ka jingrem ha ki jingiakob ki bapher bapher naduh u snem 2025.
Ka Nongkseh kala bteng ban ialehkai bha naduh ka kylla step bad ha ka minit kaba 10, kala ioh ban thep ia ka kol lyngba u Shano Tariang ha kaba u Khrawkupar Jana ula ioh ban pashat ha ka por kaba biang bha ia ka bol. Hashwa ban kut noh ka kylla step ka Nongkseh kala ioh ban thep sa ia ka kol ka baar lyngba u Kynsaibor Lhuid.
Ha ka kylla miet ruh ka Nongkseh kala iai bteng ban ialehkai bha hynrei kam shim la lah pat ban thep kol watla kala ioh bun tylli ki kabu.
Ka Gangtok Himalayan Sports Club kala ioh ban thep ia ka kol ha ka kylla miet hynrei kala mad pat ia ka jingshah pynrem ha ka Nongkseh.
Ka Nongkseh SS&CC kan iakhun pyrshah ia ka Eastern Railway (Kolkata) ha ka pre-quarterfinals kaban long ha ka 11 tarik u Kyllalyngkot.
 kala sdang ia u snem thymmai da kaba khur ia ka jingjop, da kaba jop da 2–1 ia ka Gangtok Himalayan Sports Club ha ka jingialehkai ha ka 11th All India Chief Minister’s Gold Cup International Football Tournament kaba la long ha Jorethang ha ka sngi Balang.){kind=link}