Guwahati, Risaw 17 : Ka United Liberation Front of Asom (I) (ULFA-Independent) kala byrngem ia ki paid Bengali kiba sah ha Brahmaputra Valley ba kin sangeh noh ia ka jingdawa jong ki ban dawa Jylla la ka jong da kaba phiah ia ka Assam.
Kane ka kynhun kiengatiar kala aipor 60 sngi ia ki paid Bengali ba kin leh ia kane lem kumta kin mad ka kynhun kan leh eiei pyrshah ia ki.
Katto katne ki paid Bengali kiba sah ha Barak Valley kila dawa ban ai noh iala ka jong ka Jylla da kaba phiah ia ka Assam.
Ha ka kyrwoh bala pyllait da ka ULFA-I, la ong “Ngi bthah ia baroh ki briew ba kren Bengali jong ka Barak Valley ba kin weng noh ia ka nongrim jong u Pradip Dutta Rrou (Barak Democratic Front Leader) ba dawa jylla la ka jong hapoh ka 60 sngi. Lada kim leh ia kane, ki paid Bengali kiba sah ha Brahmaputra Valley kin mad ia ki jingjia ki bym sngewtynnad”.
U Pradip Dutta Roy, uba ju kren bha halor ka jingphiah noh ia ka Barak Valley, ula long mynta kum uwei na ki nongialam ba pynkulmar jingmut bha ia ki paidbah.
“Ki Bengali kim dei ki nongshongshnong ba nyngkong eh jong kane ka bynta ka Assam, kaba la synshar da ki syiem Kachari. Ki longshuwa jong ki briew kum u Dutta Roy kila wan poi wir bad mynta kial kam ba ka dei ka jaka jong ki. Ngi pynrem jur ia kane” ong Ka ULFA-I.
Kat kum ka jingong jong ki, u Dutta Roy ula iasuhbuit pyrshah ia ka Assam ban thaw iala ka jong ka JYlla bad ki ‘Nongshun ka India’ kila kyrshan ia u ha ka kyrteng jong ka synshar paidbah.
Ka Barak Valley ka dei shibynta jongka Assam kaba kynthup ia ka District Cahar, Karimganj bad Hailakandi. Ki Hindu ba kren Bengali bad ki padi Muslim ki dei kiba la bun paid eh ha kane ka thain. Na ki 126 tylli ki Assembly Constituency, haduh 13 tylli ki don ha ka thain kaba long 15 shuwa ka jingphiah constituency mynta u snem.
U Myntri Rangbah ka Assam Himanta Biswa Sarma ha ka jingleit sha Barak Valley ha ka taiew ba nyngkong u Nailur, ula ong ba um don satia ia kano kano ka jingpyrshah ban ai jylla ia ka Barak Valley lada ki paidbah ki kwah ia kane.
 (ULFA-Independent) kala byrngem ia ki paid Bengali kiba sah ha Brahmaputra Valley ba kin sangeh noh ia ka jingdawa jong ki ban dawa Jylla la ka jong da kaba phiah ia ka Assam.){kind=link}