Shillong, Nailar 12 : Ka seng Hynniewtrep National Liberation Council (HNLC) kala byrngem ba kan weng noh ialade na ka jingiakren iasuk bad ka Sorkar Jylla namar ka jingshah teh kyndon ha ka Sorkar ban rakhe ia ka lyngkhuh sngi iap u General Secretary barim Bah Cheristerfield Thangkhiew.
Kane ka long kat kum ka jingthoh jong u General Secretary cum Publicity Secretary ka HNLC Bah Sainkupar Nongtraw bala pynmih ha Facebook hynne ka sngi Saitjain.
Kane ka jingbyrngem kala mih hadien ka jingbym sngew iahap ia ka jingbuhpor jong ka Sorkar ia ki Nongialam ka HNLC kiba don ha Jylla ban iakren iasuk, ba ki dei ban leit buh syntien ia u bah Cherist ha ka por 8 baje mynstep.
Kat kum kane ka jingthoh u Bah Sainkupar la ong “ Lashai ha ka lyngkhuh sngi iap ba-ar jong u Bah Che, ka jingleit buh syntiew sha lum jingtep lah pynbeit da ki bahaiing ba kan long ha ka por 2 baje janmiet, katba ka Sorkar ka ai hukum ia ki briew jong ngi kiba don ha ka jingiakren iasuk ba ki dei ban leit buh syntiew dang 8 baje mynstep. Kane ka jingleh ka Sorkar ka pynbitar ia ka seng hi baroh kawei, ngim dei ki Pulit Meghalaya ne ki nongtrei Sorkar jong ki ba kin teh ia ngi katba ki mon. Lada ka long ha kane ka rukom, ngin weng noh na ka jingiakren”.
Pule ruh: Kyntait ka Iingkashari ban ai jamin lypa ia ki Nongialam ka ACHIK bad GHSMC
 kala byrngem ba kan weng noh ialade na ka jingiakren iasuk bad ka Sorkar Jylla namar ka jingshah teh kyndon ha ka Sorkar ban rakhe ia ka lyngkhuh sngi iap u General Secretary barim Bah Cheristerfield Thangkhiew.){kind=link}