Byrngem iakhih sa ki Nonghikai SSA ba pynsahteng ka Sorkar ban siew ia ka tulop

Date:

Share post:

Shillong, Naitung 05: Ka Meghalaya SSA School Association (MSSASA) hynne ka sngi ba-ar kala byrngem ban mih iakhih lang sha surok lada ka Sorkar kam lah ban pyllait noh ia ka tulop ba dang sahteng jong ki haduh 2 bnai, hashuwa ka 15 tarik u Naitung.

Haba iakren bad ki nongthoh khubor, u President ka MSSASA Bah Artistotle Rymbai ula ong ba ka Synjuk kala kyntu ia u Myntri ka Tnad Pule Puthi ka Jylla ma Lahkmen Rymbui ba un tukar lang ha ka jingiakynduh ia u hynne ka sngi.

“Ngi la kyntu ia u ba ka Sorkar Jylla ka dei ban pyllait noh ia ka tulop ba pynsahteng jong ngi kaba dei jong u bnai Rymphang bad Lber jong u snem mang tyngka 2020-21 hashuwa ka 15 tarik Naitung, lem kumta kan pynbor ia ngi ban iamih sha surok ban dawa ia la ka jong ka hok” ula bynrap.

U Bah Aristotle ula pyntip ba u Myntri ka Tnad Pule Puthi ula iathuh ba ka daw jong ka jingslem ban pyllait ia kane ka tulop ba arbnai jong ka mang tyngka 2020-2021 ja dei namar ka jingduna pisa kaba ka Tnad ka ioh naka Sorkar Meghalaya bad ka Sorkar India.

U pyntip ba nalor kane ka tulop ba sahteng, ka MSSASA kala iakren ruh halor ka jingpynkiew ia ka tulop ia baroh ki Nonghikai SSA bad ruh halor ka jingtyrwa ba ai jingmut ia ka Sorkar Jylla ban pynmang kham bun ia ka jingmang pisa na ka mang tyngka ka Jylla ban pyntreikam ia ka skhim SSA ha ka Jylla.

U Bah Aritstotle ula pyntip ba u Myntri ula ai ka jingkular ia ka Association ba ka Tnad kala shong pyrkhat halor kane ka jingdawa khamtam haba iadei bad ka tulop ba arbnai.

U la bynrap ba u Myntri u la pyntip ruh ia ka Association ba shen un sa rah iakren ia kane ka kam bad u Myntri Rangbah ka Jylla ban pyllait noh ia ka pisa na ka mang tyngka ka Jylla ban siew noh ia ka tulop ba arbnai jong ki Nonghikai SSA.

Share post:

spot_img

Popular

More like this
Related

Jur ka jinghap thah ha Sikkim, sahkut palat 500 ngut ki nongshang suwari

Gangtok, Rymphang 21: Namar ka jingjur ka jinghap thah,...

Dawa ki nongrep ia u DC ban kem naphang ia kiba thang lum ha WKH

Nongstoin, Rymphang 21 :Ka seng ki nongrep Hills Farmers...

Kurup ki BSF ia ki dawai Phensedyl bad ka shini ba khappud Bangladesh

Shillong, Rymphang 21: Ki shipai BSF ha ka sngi...

Plie u Dr Mansukh ia ka workshop ka koit ka khiah ki Jylla NE ha Shillong

Shillong, Rymphang 21: U Myntri ka Sorkar Pdeng ba...