spot_img

Byrngem iakhih ki Nongtrei ka NEHU ba pynslem kyntiew kyrdan bad thungkam

Date:

Share post:

Shillong, Naiwieng 01 : Ki Nongtrei ka NEHU kiba don ha ka lama North Eastern Hill University Non-Teaching Staff Association (NEHUNSA), kila rai ban pynlong ia ka jingsangeh treikam ba khlem buhpor naduh ka 4 tarik Naiwieng kum ka dak ka jingpyrshah ia ka jingpynslem palat pud ha ka jingkyntiew kyrdan bad ka jingthungkam ha ki kam bala pynbna laitkam naduh ka 3 tarik Naiwieng 2023.

Ia kane ka rai la shim ha ka jingialang jong ka General body kaba long myn ha ka 29 tarik Risaw.

Ha ka kyrwoh bala pyllait ha ka sngi Thohdieng, u President ka NEHUNSA Dr WR Synrem ula ong ba na ka por sha ka por la ju phah ia ki jingthoh sha ki borkhmih ban pynkloi ia ka jingthungkam hynrei kine ki jingthoh imat ki poi sha ki skhor kiba kyllut.

Ka eksam thungkam ka dei kaba hap ban pynlong da ka National Testing Agency (NTA) hynrei sngewsih, ka NTA kala phah jingthoh sha ka University ha ka 16 tarik Naitung, 2024 ba kam lah satia ban pynlong ia kane ka eksam thungkam.

Namar kane, ka dei ka kamram jong ka University kan pynmih ia ka Expression of Interest (EOI) bad kala leh ruh ia kane ha kaba ka sngi ba khatduh ban aiti ia ki kot ki sla ka long ha ka 30 tarik Nailur 2024. Mynta wat hadien shibnai, ym shym la don kawei ruh ka Agency ka ban ioh shimti ia ka kam ban pynlong ia kane ka eksam thungkam.

“Ka NEHUNSA kala aipor khatduh ia ki borkhmih ba kan pynmih noh ia ka syllabus bad ka tarik ban thoh ia ka eksam la kumno kumno ruh hashuwa ban kut u Risaw 2024. Namar ka jingbym lah ban pynmih ia ka jingpynbna, la pynbor ia ngi ban pynlong da ka jingsangeh treikam ba khleh buh por naduh ka 4 tarik Naiwieng, 2024 ban pynbor ia ki borkhmih ba kin pynurlong ia ki jingdawa jong ngi”ong u Dr Synrem.

Share post:

spot_img
spot_img

Popular

More like this
Related

Bthah ka Iingkashari iaki bor Sorkar ban bteng ka jingleit khang pyndonkam pla plastic

Shillong, Nailar 26 : Ka Iingkashari Meghalaya High Court...

Ban shongsuk shirta | Angnud u CM ban lah pynbeit noh ia ka jingiakajia pud

Shillong, Nailar 26 : U Myntri Rangbah ka Jylla...

Pynkhlain ki Pulit ia ka pahara ha khappud SWKH-Bangladesh | Buh AD camp ha Khonjoy bad Rongdangai

Shillong, Nailar 26: Hadien ka jingwan thombor ki runar...

Pynthikna u CM bym pat don ka jingialum kynhun biang ki kaikhlaw ha Jylla

Shillong, Nailar 26: Haba kynthoh ia ki jingsngewkhia halor...