Shillong, Naitung 10: Ka Meghalaya SSA Schools Association (MSSASA) kala Byrngem ban iakhih khlem pud naduh 18 Tarik Naitung, lada ka sorkar jylla kam siew noh ia ka tulop ba pynsahteng hapoh ka 15 tarik Naitung.
Ia kane ka rai lah shim ha ka jingialang ba lah pyn long ha ka 25 tarik jylliew, Ong u bah Aristotle C Rymbai President ka MSSASA hynne ka sngi U Blei.
“Ngi lah rai ban iakhih khlem pud naduh ka 18 tarik Naitung ha ka jaka pynieng kali marjan ka Additional Secretariat, lada ka sorkar ka dang iai mynthi ia ki jingdawa ban pyllait noh ia ka tulop jong ngi hapoh ka 15 tarik Naitung”, ula Ong.
U bah Aristotle ula pyntip ba ki nonghikai SSA Kim shym lah ioh tulop mynta lah San bnai – kynthup ia u bnai Rymphang bad Lber Jong u snem 2021-2022 bad naduh u Iaiong, Jymmang bad Jylliew Jong u 2022-2023.
“Ngi dawa ruh ia ka sorkar ba kan pynkiew noh ia ka tulop ia palat 12,451 ngut ki nonghikai SSA ha Jylla” ula bynrap.
