Shillong, K’lyngkot : Ka Meghalaya & Greater Shillong Progressive Hawkers & Street Vendors Association (MGSPHSVA) ha ka sngi Ba-ar, kala byrngem ban shim ia ka lynti jong ka jingiakhih lad aka Provissional Town Vending Committee (PTVC) kam lah ban khot noh ia ka jingialang ba kyrkieh hapoh ka arsngi.
Kane ka seng ki nongshong dukan madan kala dawa ruh ban weng noh mardor ia ka jingpynbna paidbah bad pynsangeh ruh ia baroh ki kam bala leh da ka PTVC, kaba ki kynnoh ba ka dei ka Committee be-ain nalor ka jingsdang ia ka kam ban iakam bad pyrshah (claims & objection) bad pynmih ia ka thup kyrteng ki nongshong dukan madan kiba dei ban ia syrnot ban shong dukan madan.
Kat kum ka jingong kane ka Seng, ka electoral college (kynhun ban jied) ia ki nongshong dukan madan ba dei hok ban ioh ka dei ban jied da ki nongmihkhmat da ka TVC bala ithuh da ka Ain kumba la kren shai ha ka shithi ba 31 tarik Nohprah 2022, kaba thung ia ka interim TVC ban leh ia ka survey, ban bishar ia ka jingiakam bad jingpyrshah ban pynrung kyrteng bad kiwei kiwei.
Kane kala mih hadien ka jingpynmih jingpynbna ba dang shen ban pynkynriah ia ki nongshong dukan madan na Khyndailad.
Ha ka shithi sha u Chairperson ka PTVC, ka President ka Association Kong BiolinPyrtuh kala ong “Kala don ka jingpyn khein kaba jur namar ia ka jingpynbna la pynmih da ka TVC.
Sngewbha shim ba haduh mynta ym pat don sati aka TVC hynrei tang ka PTVC.
La kynnoh ba u Lat ka Jylla ula shah ialam bakla ban soi ia ka jingpynbna paidbah bad kyrmen ba ka Iingkashari Meghalaya High Court ruh kan ym shah ialam bakla.
“Namar kata, ngi dawa ia ka PTVC ba kan khot ia ka jingialang ba kyrkieh hapoh ka arsngi ban iakren ia ki mat bala pynpaw ha ka shithi bad kujuh ruh ia ki shithi barim jong ngi kiba la buh hakhmat ka PTVC” kala ong.
Kala kynnoh ruh ba ka PTVC kam dei ka bor treikam kaba la iohbor kat kum ka Ain ban pynbna ia ki jaka shong dukan mdan (vending zone) hukum ban pynkyriah lane mynjur ia ka Street Vending Plan.
 ha ka sngi Ba-ar, kala byrngem ban shim ia ka lynti jong ka jingiakhih lad aka Provissional Town Vending Committee (PTVC) kam lah ban khot noh ia ka jingialang ba kyrkieh hapoh ka arsngi.){kind=link}