spot_img

Byrngem biang ka Seng Hindu | “Plie ia ka krem Mawjymbuin hapoh ka 23 tarik Nohprah ne mad ia ka pakhang surok”

Date:

Share post:

Guwahati, Nohprah 17 : Ka seng Hindu-Kutumba Surakshya Parishad (KSP) kala byrngem biang ia ka Sorkar Jylla ba ka dei ban plie noh ia ka Krem Mawjymbuin hapoh ka 23 tarik Nohprah ban ioh lehniam ki Hindu lem kumta ka Meghalaya kan hap ban mad ia ka jingpakhang surok.

Kane ka kynhun kala khot biang ia ka Sorkar Meghalaya ba ka dei ban lum ia ka jingialang bad baroh ki kynhun haba iadei bad ka jingplie biang ia ka krem Mawjymbuin ban ioh lehniam ki Hindu. Ka kynhun kala buh ia ka 23 tarik Nohprah kum ka sngi ba khatduh ban pynlong ia ka jingialang bad ban pynbeit iaka jingleit jurip sha krem Mawjymbuin.

Kala maham da kaba ong “Ka jingbym lah ban pynurlong ia kine ki jingdawa kan lam sha ka jingpakhang ia ka surok ha Jorabat (marjan ka Guwahati) hashuwa ka Khristmas”.

“Ngi kyrpad ia ka Sorkar Meghalaya ba kan pynbeit ia ka jingialang bad baroh ki kynhun haba iadei bad ka krem Mawjymbuin bad pynbeit ruh ia ka jingleit jurip jong ngi sha ka krem hapoh ka 23 tarik Nohprah. Lada ki jingdawa jong ngi kim urlong, ngin bat beit ia kaei kaba ngi la thmu bad ka Sorkar kan hap shim ia ka jingkitkhlieh marwei ia kaei ka ban jia” ong u President ka KSP Satya Ranjan Borah ha ka jingiakynduh bad ki lad pathai khubor ha ka sngi Ba-ar.

U Borah ula ban jur ia ka jinglong kongsan kane ka krem (Mawjymbuin) ia ka kolshor bad ka jinglehniam khamtam ka jingdon u shivling ( mawjymbuin) hapoh jong ka, kaba la mane la slem bha da ki riewngeit Hindu. Ula ban jur ia ka hok jong ki Hindu ban mane ha kane ka jaka haba pyniahap ia ka jinglong kongsa bad kiwei ki jingtei ka mariang kum ka ‘Kedarnath Shivling’ kaba dei ka jaka mane Blei da ki spah snem hashuwa ba ka niam Khristan kan wan sha Meghalaya.

 

Share post:

spot_img
spot_img

Popular

More like this
Related

No Pakistani nationals in Meghalaya: Dy CM Prestone

Shillong, Apr 29: Deputy Chief Minister in-charge Home (Police)...

Meghalaya Police Recruitment: Written exams to begin next month, says Dy CM

Shillong, April 29: Written examination for job recruitment in...

Shimkhia ka shnong Khyllemsangrin ban pynneh ïa ki jait sim ba jan duh jait

Nongstoiñ, Ïaiong 29: Ka shnong Khyllemsangrin West Khasi Hills...

Iap u rangbah ha ka jingjia aksiden ha flyover ha Umroi

Shillong, Iaiong 29: Uwei rangbah ba 41 snem ka...