“Khlem iasyllok eiei bad ki nongtrei ka seng ban jied Kyrtong MP” Tirot Sing Suchiang
Shillong Jymmang 28: Ka United Democratic Party (UDP) Shillong City District, hynne ka sngi Palei, kala phah da ka jingthoh sha u President ka UDP bad pynpaw ia ka jingbynniaw halor ka jingbym ai jubab halor ka jingpan jingpynshai ka jongki bad ba kam shim la don satia kano kano ka jingiasyllok bad ki nongtrei jong ka seng ha kaban jied bad ban rai pynskhem ia u kyrtong ban iakhun ia ka elekshon shiteng samoi jong ka MP Lok Sabha.
U Secretary jongka UDP Shillong City District u Bah Tirot Sing Suchiang, ula ong, ba ha ka 25 tarik u Jymmang ka Shillong City District kala lum ia ka jingialang hapoh ka ophis treikam jong ka seng bad shim ia ka rai ne Resolution ban pynpaw ia ka jingbynniaw halor ka jingpynslem ban ai ia ka jubab ha kaba iadei bad ka jingpan jingpynshai kaba naduh u bnai Kyllalyngkot 2026.
“Ha kine ki bnai kiba la leit, ngi lah leit mih sha ka ophis ka jong phi ha kiba bun ki khyllipmat ha kaba iadei bad kine ki mat. Kum ki nongtrei ka seng, ngi ngeit skhem ia ka jingpyntip kaba shai kdar bad ka jingshimkhia kaba dei ka bynta kaba kongsan tam ha ka kam synshar paidbah, ka long kaba sngewsih ba ngin shah kyntait haba ngi pan jingtip halor ki jingtip kiba kongsan bha. Kane ka mat kam dei satia kaba ktah tang ia ka Shillong City hynrei ia ka seng hi baroh kawei” la ong u Bah Tirot Sing Suchiang ha ka shithi kaba la phah sha u President ka UDP.
“Sa kawei ka jingsngewkhia kadei halor ka rukom jied bad ka jingrai pynskhem ia u kyrtong ka MP ban iakhun ia ka elekshon shiteng samoi, ia kaba ngi ngeit ba kadei kaba la leh khlem da don kano kano ka jingiasyllok kaba biang bad ki nongtrei jong ka seng khamtam eh bad ka Shillong City District kaba long ruh ka jaka pdeng jong u kyrtong” la ong u General Secretary.
“Da kaba burom, ngi kyrpad ia phi ban shimkhia lem mardor ia kine ki mat. Kum ki dkhot kiba sngewkhia jong ka seng, ngi khmih lynti ba phin shimkhia lem mardor ia kitei ki mat kiba la pynsngew” la pynkut u Bah Tirot Sing.
 Shillong City District, hynne ka sngi Palei, kala phah da ka jingthoh sha u President ka UDP bad pynpaw ia ka jingbynniaw halor ka jingbym ai jubab halor ka jingpan jingpynshai ka jongki bad ba kam shim la don satia kano kano ka jingiasyllok bad ki nongtrei jong ka seng ha kaban jied bad ban rai pynskhem ia u kyrtong ban iakhun ia ka elekshon shiteng samoi jong ka MP Lok Sabha.){kind=link}