Shillong, Naitung 15 : Ka Bharatiya Janata Party (BJP) kan dang ban shim rai halor u/ka kyrtong ban aireng ha ka elekshon shiteng samoi ha Gambegre constituency.
“Ngin mih ban iakhun ia kane ka elekshon shiteng samoi hynrei ngin dang ban shim rai ia u/ka kyrtong” ong u Nongialam ka BJP bad Myntri Sorkar Bah AL Hek haba iakren bad ki lad pathai khubor hynne ka sngi Nyngkong.
“Ngam lah ban iathuh ia phi naba ngim pat ioh pdiang ia ki nongthep kyrteng hynrei hadien bala don ki nongthep kyrteng, ngin sa nang ban jied ia u/ka kyrtong ba biang duh” ula bynrap.
Haba kylli la ka BJP ka don ka lad naba ka NPP ka pynieng ia ka kurim u Myntri Rangbah ka Jylla ha kane ka elekshon, u Bah Hek ula ong “Ka elekshon hi ka dei ka elekshon. Ngi hap ban iakhun, tang kata hi nga tip”.
“Ka BJP ka dei ka National party bad ngin mih iakhun ia kane ka elekshon bad ka jingjop ne jingrem ka shong eh ba haduh katno ngut ki kyrteng ki thep kyrteng. Mynta ka dang kloi palat ban kren ia kane” ula bynrap.
Halor ka jingkylli ba ka Congress kala nang iohbor ha Ri-lum Garo, u Bah Hek ula ong “Nga tip tang ia ka BJP bad ngam lah ban ong eiei ia kiwei pat ki seng sain pyrthei”.
 kan dang ban shim rai halor u/ka kyrtong ban aireng ha ka elekshon shiteng samoi ha Gambegre constituency.){kind=link}