spot_img

Bye-Election Gambegre : Pan ticket 10 ngut na ka NPP, mih ka jingdawa ban pynieng ia ka kurim u CM

Date:

Share post:

Shillong, Jylliew 26 : Ka National People’s Party (NPP) shen kan sa shim rai halor u/ka kyrtong ban mih aireng ha ka elekshon shiteng samoi ka Gambegre constituency.

Kat haduh mynta haduh 10 ngut kila pan ticket na ka NPP ban mih iakhun ha kane ka elekshon.

“Hynrei, ki paidbah kila dawa ia ka kurim u Myntri Rangbah ka Jylla ka Dr Metabh Chandee A Sangma ban long ka kyrtong jong ka party” ong u Nongialam ka NPP.

Ia kane ka elekshon shiteng samoi yn sa pynlong namar ka jingiehnohkam jong u Saleng A Sangma hadien ba ula shah jied kum u MP ba thymmai ka Tura. U Saleng ula pynliem ia ka para u Myntri Rangbah ka Agatha K Sangma da palat 1.55 lak vote.

Kiba la pan ticket na ka NPP ki kynthup ia u hynmen u Myntri Rangbah bad Myntri Sorkar barim James K Sangma bad ka para ka Agatha Sangma nalor ki MDC ka GHADC.
“Ka party kan sa shim rai shen halor kane ka kam”.

Haduh 12 ngut pan ticket na ka congress 

Ha kajuh ka por, ka khubor ka pyntip ba kila don haduh 12 ngut ki briew kiba la pan ticket na ka congress ban iakhun ha kane ka elekshon ba kynthup ia ka Working President ka Congress bad Myntri Sorkar barim ka Jylla ka Deborah Marak.

Ka khubor ka pyntip ruh ba ka Trinamool Congress ka lah ban pynieng ia ka kurim u MLA barim ka Rangsakona Zenith M Sangma kum ka kyrtong ha kane ka elekshon shiteng samoi ha Gambegre.

Share post:

spot_img
spot_img

Popular

More like this
Related

Bthah u DyCM ia ki bor District ka WJH ban pynneh ia ka status quo ha Lapangap

Shillong, Jylliew 29 : U Symbud Myntri Rangbah ba...

Wan pyndem 2 ngut ki ehrang ka HNLC hakhmat u SP ka EWKH

Shillong, Jylliew 28 : Arngut ki ehrang ka seng...

Krem Mawjymbuin | Phah ka Division Bench ia ka mukotduma ban bishar noh ka Single Bench

Shillong, Jylliew 28 : Ka mukotduma Public Interest Litigation...

Jingshah pyniap u Raja Raghuvanshi | Kyntait u Anand bad Akash ban phla hakhmat u Majistor

Shillong Jylliew 26: Arngut ki suba donkti ban pyniap...