spot_img

Bun ki Nongtrei Sorkar kiba dang bat ia ki rashon card ha Eastern West Khasi Hills

Date:

Share post:

Nongstoiñ, Ïaiong 04: Ka Deputy Commissioner (Supply) jong ka Eastern West Khasi Hills District Mairang, kala pynmih ia ka jingbthah hynne ka sngi Thohdieng, ba ki nongtrei sorkar kynthup ïa ki nonghikai Adhoc bad Deficit hapoh ka distrik, kidei ban aiti noh ia ki card rashon ki jong ki bad lada ki leh kum bym suidniew kin shah pynngat ha ki kyndon ain.

Ka DC Supply kala pyntip ba ki bun bha ki nongtrei sorkar kynthup ïa ki nonghikai Adhoc bad Deficit hapoh ka distrik ki dang ïoh jingmyntoi na ka NFSA katkum ka Social Economic Caste Census (SECC) jong u snem 2011.

Advertisement

Katei ka jingbthah ka kdew ba la 14 snem mynta naduh ba la pyndep ïa katei ka jingkheiñ jingtip. La lap ba don ki nongtrei sorkar kiba dang bat ïa ki Rashon Card hapoh ka NFSA, kaba long pyrshah ïa ki kyndon kaba ki nongtrei sorkar kim dei ban bat ïa ki card rashon.

Kala kyrpad ïa baroh ki nongtrei sorkar, kynthup ïa ki nonghikai Deficit bad Adhoc, ban aiti noh mardor ïa ki card rashon ki jongki. Ka tarik kaba khatduh ban aiti ka long ha lane shwa ka 30 tarik u Ïaiong, 2025. Kane ka jingaiti kan plie lad ïa ki longiing ba duk, ki nongtrei bylla bad ki briew kiba duna ha ki dkhot met ban ïoh jingmyntoi.

Lada don kino kino ki nongtrei sorkar kiba leh bym suidniew bad kim aiti ïa ki card rashon hapoh ka por kaba la buh, kin ngat ha ki jingpynshitom katkum ki kyndon jong ka aiñ.

Share post:

spot_img
spot_img

Popular

More like this
Related

Ioh jingithuh ka Ganesh Das Hospital da ka ‘Bronze Quality Certification’ na ka QCI

Shillong, Jylliew 20: Kum ka jingpynshisha ïa ka jingthrang...

Pynbna u SDO ban khang iaid kali na ka surok Laitlyngkot-Lyngkyrdem

Shillong, Jylliew 20 : U Sub Divisional Officer (c)...

Sospon ka NEHU ia u Professor ba shah kem ha ka CBI halor ki kam bamsap

Shillong, Jylliew 20: Ka North Eastern Hill University (NEHU)...