Guwahati, Nailar 09 : Kum ka jingpyrshang ban pynlong ia ka Assam Atmanirbhar ha ka jingpynmih ia ka umphniang bam, u Myntri Rangbah ka Jylla Himanta Biswa Sarma ha ka sngi Ba-ar ula ialam ia ka Jylla ban iasnohkti lang ha ka jing pynmih ia ka palm oil haba ma u lem bad u Yoga Guru Ramdev, kila iathung ia ki synbai oil palm ha Saikhowaghat, Tinsukia.
Lah ban kdew ba da kane ka jingthung symbai, ka Assam kala buh thung ban pynkylla haduh 3.75 lak hectare ka Jaka kum ka jaka thung ia u dieng palm.
U Himanta ula ong ba ka thong ba hakhmat eh jong kane ka sienjam ka long ban kyntiew ia ka ioh ka kot lyngba ka rep ka riang da kaba thung ia ki dieng oil palm.
Ula pyntip ba kum shibynta jong kane ka sienjam,ka Patanjali Food Limited (PFL) kala buh ia ka thong ban thung dieng palm haduh 60,300 hectare hapoh u snem 2026.
U pyntip b aka PFL kan thung buh ia ki jaka thung dieng palm ha ki 7 tylli ki District ka Jylla kata ha Dibrugarh, Tinsukia, Golaghat, Jorhat, Nagaon, Kamrup, Kamrup (Metro) bad Goalpara.
Kane ka kompani kan buh ruh haduh 12 tylli ki karkhana sain umphniang ha ki hynniew tylli ki district mynta u snem bad sa 4 tylli ha u snem ban wan.
Pule ruh: Assam : Khot u Himanata ia u Heh ka ULFA Paresh Baruah ban wan bad peit ia ka jingkylla ka Assam
